افغان قیزیل آی جمعیتی مسئوللری، بوگون کابل شهری بادام باغ ده خبری بیر ییغیلیش ده، کابل و هرات ده بیش مینگ دن آرتیق کوز کسل‌لیک‌لرینی دوالش امکانی یره‌تیلگنینی معلوم قیلگنلر.
افغان قیزیل آی جمعیتی نینگ سکرتر جنرال اۉرین باسری عبدالطیف ثابت گه کوره، اوشبو کسل‌لر نی دوالش امکانی ملک سلمان انسان پرورلیک اداره‌سی نینگ مالی یاردمی و البصر خصوصی خیریه جمغرمه‌سی و افغان قیزیل آی جمعیتی نینگ همکارلیگی بیلن یره‌تیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ملک سلمان انسان پرورلیک اداره‌سی مالی قۉللب-قوتله‌یدی و البصر خصوصی خیریه جمغرمه‌سی و افغان قیزیل آی جمعیتی اوشبو برنامه نی کابل و هرات ده عملگه آشیره‌دیلر، بو برنامه ده بیش مینگ دن آرتیق کوز کسل‌لری دوالنیشی ممکن.»
البصر خصوصی خیریه جمغرمه مسئوللری نینگ ایتیشلریچه، بو برنامه بیرینچیدن کابل و کېین اېسه هرات ده یولگه قوییله‌دی.
مذکور خیریه جمغرمه مسئولی فخرالدین گه کوره، دارو و کوزلیکّه احتیاجی بولگن بیش مینگ دن آرتیق کسل نینگ دوالنیش زمینه‌سی یره‌تیلگن و اولر نینگ کوزلری مناسب احوال ده بولمه‌گن ۴۰۰ دن ۵۰۰ نفری عملیات بولیش‌لری کوتیله‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «کوزلری مناسب احوال ده بولمه‌گن ۴۰۰ دن ۵۰۰ کیشی عملیات بوله‌دی و کوز کسل‌لرینی تېزلیک بیلن دوالش اوچون سعی-حرکت قیله‌یپمیز.»
ترافیکی حادثه طفیلی کوزدن عاجز بولگن کابل یشاوچیسی عبدالمالک نینگ ایتیشیچه، خصوصی کسلخانه‌لر گه مراجعت قیلیب و ناامید قیتگن و حاضر افغان قیزیل آی جمعیتی کسلخانه‌لریدن بیری ده دوالنیشی کوتیله‌دی.
اونینگ ایتیشیچه: «کابل شهری سرک‌لریدن بیری ده ترافیکی واقعه طفیلی کوزیم نینگ نورینی قولدن بیردیم و اوندن سۉنگ خصوصی کسلخانه‌لر گه مراجعت قیلدیم و دوالنمه‌دیم و حاضر دوالنیش اوچون افغان قیزیل آی جمعیتی کسلخانه‌لریدن بیری گه کېلگن من.»
بوندن آلدین، ساغلیق‌نی سقلش وزیرلیگی افغانستان ده هر ییلی اۉرته طرزده ۲۵ مینگ کیشی تورلی کسل‌لیک و صدمه کوریشی باعث، کوزلری نینگ نورینی قولدن بیریش‌لرینی اېتگن اېدی.
