ایران دولتی رسمی‌لری نینگ معلوماتی اساسیده، حاضرگی کونده افغانستان‌لیک قریب بیش میلیون قاچقین قانونی و ناقانونی شکلده ایران ده یشب کېلماقده، بیراق سۉنگی کونلرده اوشبو مملکت دولتی تامانیدن قاچقینلر گه قرشی باسیملر آشیریلگنی اېتیله‌دی.
ایران ده افغانستان‌لیک قاچقینلر گه باسیملر و چېکلاولر یره‌تیلگن بیرحالده، انده-سنده بو مملکت پولیسی قاچقینلر بیلن ناقانونی طرزده یانده شه‌دی.
ینگی‌لیکده، ایران پولیسی تامانیدن افغانستان‌لیک بیر قاچقین شفقت‌سیز طرزده کلتکلنیشی اجتماعی ترماق ایشلاوچیلری نینگ کېنگ کولمده مناسبتی بیلن روپه‌ره بولگن.
ایران ده افغانستان‌لیک قاچقینلردن بیرقطاری، حاضرگی کونده قیین احوال و مذکور مملکت پولیسی تامانیدن قولگه آلیش قورقووی بیلن حیات کېچیریب کېلماقده‌لیک‌لرینی معلوم قیله‌دیلر.
بیزلرنینگ فیسبوک صحیفه‌میزگه باش اورینگ!
ایش‌سیزلیک طفیلی ایران گه مهاجر بولگنلردن بیری احمد گه کوره: «ایران ده مهاجر بولگنیمدن بیر یریم ییل بولماقده، بو ییرده مهاجرلر گه شفقت‌سیزلیک بوله‌دی، قاچقینلر نینگ پاسپورت و مدرک‌لری گه اعتبار بیریلمه‌یدی.»
وقتینچه‌لیک حجت‌لری بولسه هم، پولیس تامانیدن قولگه آلینیب و قییناق‌لنیش‌لرینی معلوم قیله‌دی، ایران ده افغانستان‌لیک قاچقینلردن بیرقطاری.
اولر گه کوره، سۉنگی ییللرده نیچه مراتبه ایران ده اقامت سندینی آلیش اوچون تلاش قیلگنلر؛ لېکن اولردن باج‌گیرلیک بولیب و اولر گه قانونی حجت بیریلمه‌گن. اوشبو قاچقینلر اسلام امیرلیگیدن، قیینچیلیک‌لری حلی اوچون دقت قیلیشینی اېسته‌یدیلر.
بیزلرنینگ «ایکس» ترماغی ده هم تعقیب قیلینگ!
قاچقینلردن صدر محمد نینگ ایتیشیچه: «حکومتدن قاچقینلر نینگ قیینچیلیک‌لری حلی اوچون دقت قیلیشینی اېسته‌یمیز، نیگه بیز گه شفقت‌سیزلیک بولسین؟»
ایران ده قاچقینلردن باشقه بیری فضل‌الدین گه کوره: «برچه نی قولگه آلیب و ایاق‌لرینی بغله‌یدیلر حتا پاسپورت و کارت‌لری بولگنلرنی هم. کلانتری و کېین اېسه اردوگاه گه آلیب باریب کارتی بولسه هم دیپورت قیله‌دی و بعضی‌لرنی قییناقلب قوییب یوباره‌دی.»
شو بیلن بیرگه، خلق‌ارا بیلرمان‌لر نینگ ایتیشلریچه، ایران اقتصادی مقصدلری طفیلی افغان قاچقینلری گه باسیم کېلتیره‌دی.
خلق‌ارا مناسبت‌لر بیلرمانی نورالرحمان ثاقب نینگ کوپه‌یتیریشیچه: «اۉتمیش ده ایران قانونی و ناقانونی قاچقینلرنی قبول قیلر اېدی چونکه اقتصادی فایده‌سی بار اېدی و اولردن اقتصادی اوچون قوللنر اېدی.»
ایران دولتی تامانیدن افغانستان‌لیک قاچینلر گه باسیملر آشیریلگن بیرحالده، اسلام امیرلیگی نینگ بوتوغریده‌گی مناسبتی و قاچقینلر نینگ قیینچیلیک‌لرینی حل ایتیش خصوصیده ریجه‌لرینی اورگه‌نیشنی اېسته‌دیک؛ لېکن کیتمه-کیت قونغیراق‌لر بیلن اسلام امیرلیگی قاچقینلر وزیرلیگی نینگ سۉزلاوچیسی همده تهران ده افغانستان ایلچی‌خانه‌سی بوتوغریده جواب قیتریش گه حاضر بولمه‌دیلر.