مملکت باش وزیری نینگ اداری اورین‌باسری عبدالسلام حنفی بوگون ارگ‌ده یولگه قوییلگن ییغین‌ده اقتصادی ترقیات و سرمایه یاتقیزووچیلر، سوداگرلر و صناعتچیلر نینگ ترغیب قیلیش مقصدیده، اوتمیش ییللردهگی سالیق جریمه‌لری نینگ توللنیشیدن کیچیریلگن‌لری نی بیان قیلگن.
مملکت باش وزیری نینگ اداری اورین‌باسری عبدالسلام حنفی، سوداگرلر و صناعتچیلردن، بوندن بویان مالیه‌لری نی اوز وقتیده توللش‌لرینی ایسته‌گن.
بیزلرنینگ توییترده هم تعقیب قیلینگ!
جناب حنفی گه کوره: «اسلام امیر‌لیگی سوداگرلر و صناعتچیلر نینگ اوتمیش‌لرده‌گی سالیق جریمه‌لری نی کیچیرگن و بوندن بویان سالیق جریمه‌لری نی توللمه‌گنی کیشی قانونی یانده‌شیلیشی ممکن.»
سوداگرلیک و سرمایه یاتقیزووچی اتاق اورین‌باسری محمد‌یونس مومند، سوداگرلر و صناعتچیلر قییش‌چیلیک‌لری گه اشاره قیلیب و ایتگن که: «سوداگرلر نینگ ایشی اوز ولایت‌لریده بیتیشی کیره‌ک؛ بیراق کیچیک بیر ایش اوچون مرکز گه چقیریله‌دی و سرگردان بوله‌دی. اسلام امیر‌لیگی‌دن صناعتچیلر و سرمایه یاتقیزووچیلر قیین‌چیلیک‌لری نینگ حل بولیشی اوچون، ایکی جانبه کمیسیون ایجاد قیلیش‌لری نی ایسته‌یمیز.»
عین حالده، اقتصادی ایش بیلرمان‌لردن قطاری نینگ ایتیش‌لریچه، سوداگرلر و صناعتچیلر نینگ اوتمیش ییللردهگی سالیق جریمه‌لری کیچیریلیشی، مملکت نینگ اقتصادی ترقیاتی و سرمایه یاتقیزووچیلر ترغیبی اوچون یخشی بیر آدیم دیر.
اقتصادی ایش بیلرمان‌لردن بیری تاج‌محمد تلاش نینگ ایتیشیچه: «صناعتچیلر و سوداگرلر نینگ ترغیب قیلیش اوچون سالیق جریمه‌لری کیچیریلیشی یخیشی بیر اقدام دیر و صناعتچیلر و سوداگرلر نینگ سالیق جریمه‌لری کیچیریلیشی بیر مدنیت گه اوزگرمه‌یشی کیره‌ک.»
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، باجخانه‌لر عمومی ریاستی نینگ ایتیشیچه، اسلام امیر‌لیگی نینگ قدرت گه ایریشگنیدن بیری اوشبو اداره گه سالیق جریمه‌لری نی تاپشیرگن سوداگرلر و صناعتچیلر، قیته پول‌لرینی آلیش‌لری ممکن.