سابق دولت ملی یره‌ش عالی کینگش باشلیغی عبدالله عبدالله، بوگون (دوشنبه، ۹ عقرب) فیسبوک صحیفه‌سیده بیر بیانیه ترقه‌تیب یازیشیچه، افغانستان اوچون امریکا قوشمه ایالت‌لری نینگ مخصوص نماینده‌سی توماس وست بیلن تیلیفونی سوزلشگن.
بیانیه ده کیلیشیچه، جناب عبدالله امریکا قوشمه ایالت‌لری نینگ افغانستان خلقی گه انسان پرورلیک یاردم‌لری دوامیدن منتدارلیک بیلدیردی.
بیزلرنینگ فیسبوک صحیفه‌میزگه باش اورینگ!
بیانیه گه بناً، ایکی تامان آلتینچی صنف دن یوقاری قیزلر نینگ مکتب‌لری آچیلیشی و موجود قیینچیلیکلر حل ایتیلیشی و اولکه بویلب دایمی تینچلیک و ثبات برقرار ایتیلیشی اوچون ملی مذاکره‌لر اوتکزیلیشی اوستیگه تأکید ایتدیلر.
جناب عبدالله نینگ یازیشیچه، توماس وست افغانستان خلقی دن اوز حمایت‌لری گه دوام بیریش‌لریدن ایشانچ بیلدیردی.
بیزلرنینگ توییترده هم تعقیب قیلینگ!
ایتیش کیره‌ک که، نیچه کون آلدین توماس وست مملکت سابق جمهور باشلیغی حامد کرزی بیلن تیلیفونی صحبت قیلگن ایدی.
اوشبو تیلیفونی ملاقات ده، ایکی تامان افغانستان ترقیاتی و آلتینچی صنف دن یوقاری قیزلر نینگ مکتب‌لری تیزلیک بیلن آچیلیشی اوستیگه تأکید ایتگن ایدیلر.
