آزیق-آوقت و دارو ملی اداره‌سی مسئوللری، بوگون (چهارشنبه، ۲۵-دلو)، کابل ده یولگه قوییلگن خبری بیر ییغین‌ده ایتیشلریچه، افغانستان ده حاضرگچه آزیق-آوقت خوفسیزلیگی یوقلیگی جدی بیر قیین‌چیلیک دیر.
آزیق-آوقت و دارو ملی اداره‌سی سرپرستی عبدالباری عمر نینگ ایتیشیچه، حاضر ایسه افغانستان ده ۳ میلیون باله و بیر میلیون عیال، توییب آوقتلنمسلیکدن اذیت چیکه‌دی که، اونینگ عامل‌لریدن بیری مملکت‌ده آزیق-آوقت خوفسیزلیگی یوقلیگی دیر.
بیزلرنینگ «ایکس» ترماغی ده هم تعقیب قیلینگ!
جناب عمر نینگ کوپه‌یتیریشیچه: «افغانستان ده ۳ میلیون باله و ۱ میلیون عیال توییب آوقتلنمسلیکدن اذیت چیکه‌دی که، اونینگ عامل‌لریدن بیری مملکت‌ده آزیق-آوقت خوفسیزلیگی یوقلیگی دیر.»
شونده‌ی بیرحالده، بو برنامه‌ده آزیق-آوقت و دارو ملی اداره‌سی نینگ صفت‌نی تضمین‌لش ریاست سرپرستی فهیم منصور گه کوره، صفتی قویی ییگولیک ماده‌لردن قوللنیش مملکت یشاوچیلری نینگ ایچ‌کیتمه، سرطان و باشقه کسل‌لیکلر گه چلینیشلری گه سبب بوله‌دی.
اوشبو ریاست سرپرستی یشاوچیلردن تورلی‌خیل کسل‌لیکلر گه چلینمسلیکلری اوچون، صفتلی ییگولیک ماده‌لردن قوللنیشلری نی ایسته‌گن. «اهالی دوکان‌لردن ییگولیک ماده ساتیب آلیشلری پیتده، اونینگ تاریخی گه توجه قیلیشلری کیره‌ک. دوکان‌لردن ساتیب آله‌دیگنلری نرسه صفت‌سیز بولگنی‌ده اونینگ رنگی اوزگره‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، آزیق-آوقت و دارو ملی اداره‌سی مسئوللری نینگ ایتیشلریچه، پاک ییگولیک ماده‌لر نی تثبیت قیلیش اوچون، اوشبو اداره آرقه‌لی ۶ لابراتوار کابل و بیر قطار ولایت‌لرده ایجاد بولیب و تیزلیک بیلن فایده‌لنیش گه تاپشیریلیشی ممکن.
ایتیش کیره‌ک که، دنیا آزیق-آوقت دستوری اوتگن آی، افغانستان آزیق-آوقت خوفسیزلیگی یوقلیگی نقطه‌ی نظریدن دنیا ده سکیزینچی مملکت بولگنی نی اَیتگن ایدی.