امریکا نینگ افغانستان نی قیته قوریش اوچون مخصوص تیکشیریش اداره‌سی (سیگار)، اوز گزارشی ده اسلام امیرلیگی حاکمیتی، امنیتی نقطه‌ی نظردن جدی قیینچیلیک بیلن روپه‌ره‌لیگینی ادعا قیلگن.
سیگار اوشبو گزارش ده «ملی مقاومت جبهه‌سی»، داعش و القاعده گروه‌لرینی اسلام امیرلیگی برابری ده جدی تهدید دیب، افغانستان ده عصیانچی گروه‌لر نینگ تهدیدی منطقه مملکت‌لر نینگ خطر بیلن روپه‌ره قیلگنینی ایتگن.
بیراق، اسلام امیرلیگی سوزلاوچیسی ذبیح‌الله مجاهد ترقه‌تگن اعلامیه‌سیده، سیگار نینگ اوشبو گزارشی گه مناسبت بیلدیریب اونی «ریکلمه» دیگن.
بیزلرنینگ فیسبوک صحیفه‌میزگه باش اورینگ!
جناب مجاهد مذکور اعلامیه ده، امریکا بو کبی گزارش‌‌لر بیلن منطقه نی ثبات‌سیز قیلیش مقصدیده سعی‌وحرکت قیلماقده‌لیگینی ایتگن.
اسلام امیرلیگی اعلامیه‌سیده، امریکا دن بو کبی گزارش‌لرنی ترقه‌تیش بیلن نیمه آرتیده ایکنی سوره‌لگن.
مذکور اعلامیه نینگ بیر بولیمیده کیلیشیچه: «امریکا بو کبی گزارش‌لرنی ترقه‌تیش بیلن نیمه آرتیده دیر؟ ریکلمه قیله دیمی؟ یا که داعش کبی عصیانچی گروه‌لر گه کمپاین قیلماقده می؟ یا که قوشنی مملکت‌لر نینگ تشویش گه سالماقچین می؟ بو ایش امریکا ده خاص گروه‌لر نینگ اقدام‌لری بولیشی ممکن یا ده امریکا، افغانستان خلقی دن اوز مغلوبتی قصدینی آلیش اوچون منطقه‌نی ثبات‌سیز و ناتینچ قیلیشنی ایسته‌یدی.»
سرپرست حکومت، سیگار نینگ گزارشی گه عین‌حالده مناسبت بیلدیرماقده، افغانستان ده اسلام امیرلیگی حاکمیتیدن کیین داعش گروهی نینگ خراسان بولیمی، اوشبو مملکت ده ایریم هجوم‌لرنی اویوشتیرگن و ینگی‌لیکده بدخشان ولایتی ده هجوم‌لرنی ریجه‌لشتیریب و اویوشتیرگن.
بیرقطار حربی ایش بیلرمانلر نینگ ایشانچی گه کوره، داعش گروهی کیله‌جک ده افغانستان خوفسیزلیگی اوچون جدی تهدید گه اوزگریشی ممکن، شونی اوچون سرپرست حکومت مذکور گروه گه قرشی کوره‌ش ده جدی اقدام قیلیشی کیره‌ک.
حربی ایش بیلرمان اسدالله ندیم نینگ ایتیشیچه: «اسلام امیرلیگی همه‌شمول و مشروع حکومت تشکیل ایتیب و خارجی مناسبت‌لرینی مستحکم له‌گن تقدیرده، داعش قیینچیلیگینی حل قیلیشی ممکن، اسلام امیرلیگی نینگ حاضرگی قورال_یراغ کبی امکانیتی استه‌سیکین ایسکیره‌دی و عصیانچی گروه‌لر گه قرشی کوره‌ش اوچون زمانه‌وی حربی جهازسیز اوزینی مراقبت قیله آلمه‌یدی یا که ساتیب آلالمه‌یدی.»
دنیا همجمعیت، قریب ایکی ییل دن بویان افغانستان ده ایکی تور عصیانچی گروه بارلیگیدن خواطر بیلدیریب کیلماقده.
بیزلرنینگ توییترده هم تعقیب قیلینگ!
داعش کبی گروه‌لر اسلام امیرلیگی نینگ بیرینچی دشمنی سنله‌دی و دنیا همجمعیت نینگ ایشانچی گه کوره، القاعده کبی باشقه گروه‌لر اسلام امیرلیگی بیلن یقین مناسبت ده دیر و کوچه‌یماقده‌لیگیدن خواطر بیلدیریله‌دی.
برچه‌سی بیلن، ایش بیلرمان‌لردن قطاری، افغانستان ده عصیانچی گروه‌لر نینگ بوتونلی یوق ایتیش اوچون دنیا نینگ نامعلوم حرکت‌لریدن تنقید ایته‌دیلر.
حربی و سیاسی ایش بیلرمان یوسف امین زازی نینگ ایتیشیچه: «افغانستان ده تروریزم تشکیل ایتیلیشی ده خارجی‌لر و منطقه مملکت‌لر نینگ رولی بار، شونی اوچون تروریزم مسئله‌سی نه‌فقط افغانستان بلکه اورته آسیا ده معلوم ایمس.»
ایتیش کیره‌ک که، منطقه اولکه‌لری اینیقسه اسلام امیرلیگی بیلن نسبی همکارلیگی بولگن مملکت‌لر، نیچه مرته افغانستان ده عصیانچی گروه‌لر نینگ تهدیدی دن خواطر بیلدیرگنلر.
