«ییر یخشیلب هیدهلسه و یخشی ملایم قیلینسه، یخشی حاصل هم بیرهدی.» بو ۲۵ ییلدن بویان ایکینچیلیک بیلن شغللنگن دایکندی یشاوچیسی بولمیش ۵۰ یاشر اکبرنینگ سوزلریدن بیر بولیمی دیر. او ییرلریدن یخشی حاصل قولگه کیلتیریشی، خرهجتی و وقتینینگ کوپراق صرفلنمسلیگیدن خورسندلیک قیلیب و ایتیشیچه، بو ییگیتنینگ توزهتگن اوسکونهلری، محصوللرینینگ خام مادهلری خرهجتی کمهیشی و قولگه کیلتیرهدیگن حاصلات بیلن یخشی شکلده حیات کیچیریشیگه سبب بولگن.
اونینگ کوپهیتیریشیچه: «حیات کیچیرهدیگنیمیز منطقهده، بو ایش جودهیم یخشی دیر. اوشبو منطقهده بو ایشلرنی اونچه کیشی بیلمهیدی و مذکور کیشی جودهیم فعال بیری دیر که بو ایشلرنی قیلهدی. دهقانچیلیک اوچون قوش هیدهش گه کیرهک بولهدی؛ ییر یخشیلب هیدهلسه و یخشی ملایم قیلینسه، یخشی حاصل هم بیرهدی. جودهیم ارزان دیر؛ باشقه کیشیلر ماشینلرنی ۶۰دن ۷۰ مینگ افغانیگه ساتهدی، بو یاش ۲۰ دن ۲۵ مینگ افغانیگه ساتهدی.»
مذکور ییگیت تامانیدن توزهتیلگن بخاری و تراکتور کبی اوسکونهلردن فایدهلنهدیگن دایکندی یشاوچیلریدن باشقه بیری شمسالله صدیقیگه کوره، حاضر ایشلریده کوپینچه قولیلیک یرهتیلگن.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «سیگیرلرنینگ سقلنیشی صرف-خرهجت ایستهیدی، لیکن بولر بیلن قوش هیدهشده یالغیز تیل تشلنهدی و سقلنمهیدی. اوستیگه فراشد تشلهنهدی و باشقه اونچه ایشی یوق. سیگیر اوچون آذوقه، سقلنیش و اونینگ سقلش اوچون بیر کیشیگه نیاز بار. اوز مملکتیمیزده ایشلب چیقریلهدیگن تولیدلر و محصوللر فایدهلی دیر. چین مملکتینینگ جنراتورلری ۳۰-۵۰ مینگ ساتیب آلینهدی و ایشی اونچه هم یخشی ایمس، محکم ایمس و دایمی ایمس.»
دهقانلرنینگ بو سوزلری، ییر ایگهلری قیینچیلیکلرینی دقت بیلن تینگلب، اولر اوچون عملی ییچیملر یرهتگن یاش بیر ییگیت محنتینینگ نتیجهسی دیر. او امکانیتی بولمهگنی بیرحالده، بیراق اراده بیلن ییر ایگهلریگه قولیلیک مقصد ۲۲ ته تراکتور، بیرته حرارتی جنراتور و بیرته برق دستگاهسینی توزهتگن که مذکور اوسکونهلر بوگون ییرلر و اویلردن کوپ قطاریده فایدهلنهدی.
دایکندی یشاوچیسی بولمیش ۲۹ یاشر رضا سلحشور، تشقیدن وارد بولهدیگن اوسکونهلرنینگ قیمت بولگنی یانیده محلی دهقانلر نیازلری بیلن سازگار بولمهگنینی حس قیلگنی بیرحالده، بو قرارنی آلگن. اوشبو ینگی فکر، مذکور امکانیت کملیگی و قیینچیلیکلردن شکللنیب و حاضر ایسه اونینگ نتیجهسینی رضایت بیلن اسکونهلردن فایدهلنهدیگن دهقانلر کورهدی.
بو توغریده، رضانینگ ایتیشیچه: «بو ییرگه کیلتیرهدیگنلری تراکتورلرنینگ کوپ قیینچیلیگی بار ایدی، یعنی بیر ییل، بیر یریم ییل ایشلهر ایدی، اهالینی او دستگاهدن بیخی پشیمان قیلگن ایدی. کیین اوزیم بیر نرسه توزهتیش گه قرار آلدیم که قیینچیلیگی بولمسه و مصرفی آز بولسه. پرزهلری هر ییرده تاپیلهدی؛ بو اهالی اوچون جودهیم یخشی بیر آسایشتهلیک دیر.»
بو یولده ۱۰ ییلدن بیری سعیوحرکت قیلهدیگن رضا، ۱۵ وسیله نی ساته آلگن. او بو یولده موفقیتلر یانیده، اقتصادی قیینچیلیکلر بیلن هم روپهره بولگن. «هر بیر توزهتگنیم نرسهدن بیرته بیرته دیر. اقتصادی قیینچیلیک بار. بو وسیلهلر اوچون مالی بودجه کیرهک. دولت یالغیز مالی حمایت قیلسین. ایشلریمدن بیرینینگ ایشی یریم قالگن، بودجهم یوق ایدی. اونینگ خرهجتی کوپ دیر.»
ایکینچیلیک ایش بیرمانلرنینگ ایشانچلریگه کوره، زمانهوی اوسکونهلردن فایدهلنیش، ایکینچیلیک ایشلری یخشیلنیشیده اونملی رول اوینهیدی و ایکینچیلیک ایشی پروسهسیدهگی قیینچیلیکلرنی کمهیتیرهدی. ایکینچیلیک ایش بیلرمان مصطفاتیمور وردکنینگ سلاموطندار گه ایتیشیچه، مذکور اوسکونهلرنینگ توزهتیلیشی مملکت ده ایکینچیلیک رواجلنیشی اوچون عملی بیر آدیم دیر.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «هر بیر مملکتده کوپ اونملی نرسهلرنی توزتهدیگن ییگیتلر بار. جمعیتدهگی قیینچیلیکلرنی کورهدیلر و اونگه حل یول اخترهدیلر. بو جودهیم فایدهلی بولهدی که بیر یاش افغانستان ده ایکینچیلیک سکتوریده بیر قیینچیلیکنی کورسه و اونگه حل یول تاپسه. بو ایکینچیلیکنینگ رواجلنیشیگه یاردم بیرهدی.»
اقتصادی مسئلهلر بیلرمانلرینینگ ایتیشلریچه، ایچکی تولیدلر ایش فرصتلرینی یرهتیش گه علاوه، واردات گه تیگیشلی بولیشنی کمهیتیریب و خودکفالیک اوچون زمینه یرهتهدی.
اقتصادی مسئلهلر ایش بیلرمانی نصیر رشتیانینگ ایتیشیچه: «ایچکی تولیدلردن حمایت بولگنی صورتده، بو اوچ نرسه گه سبب بولهدی. بیرینچیسی مملکت ایچیده وارد بولینیشی مثصد مملکتدن تشقیگه پولنینگ چیقریلیشی آلدینی آلهدی.ایکینچیده ایش فرصتلرینی یرهتهدی. اوچینچیسی ایسه هر قنچه اهالی سرمایه یاتقیزووچیلر و تولیدنی قوللب-قوتلسهلر، اوشنچه مملکت اقتصادی رواجلنیش تاماق حرکت قیلهدی.»
ایتیش کیرهک که، یوقاری خرهجتلر سبب زمانهوی ایکینچیلیک اوسکونهلردن فایدهلنه آلمسلیک بیلن، افغانستان ده دهقانلردن قطاری سنتی روشده ایکینچیلیک بیلن شغللنگنلر که بو آرهده، بیر یاش ینگی فکر و محلی تدبیرکارلیک بیلن، دهقانلر ایشیدن بیر آزگینهسینی آسانراق قیله آلگن.
