ههنگاو انسان حقلری تشکیلاتی، ۲۵ یاشر افغانستانلیک بیر عیال و اوچ کیچیک بالهسی تهرانده اوز یشش اویلریده اولدیریلگنیدن خبر بیرگن.
اوشبو تشکیلاتنینگ، ۴-اسد، شنبه کونی ترقهتگن گزارشیده، افغانستانلیک اوشبو کیشیلر تهران مرتضاد منطقهسیده یشش اویلریده پیچاقلنیب و بوغیب اولدیریلگنی معلوم قیلینگن.
بیزلرنینگ فیسبوک صحیفهمیزگه باش اورینگ!
گزارشده، اوشبو عیالنینگ بالهلری ایکی، اوچ و بیش یاشر دییلگن.
گزارشده ایران حکومتی سایتی (رکنا) دن نقل قیلینیب، اوشبو کیشیلرنینگ کیملیگیگه اشاره قیلینمسدن عیال پیچاقلنیب ایکی اوغیل باله و بیر قیز بالهسی بوغیب اولدیریلگنی قید ایتیلگن.
افغانستانلیک بو کیشیلرنینگ جسدلری، ۳-اسد، جمعه کونی ۱۰ کون اولدیریلگنلریدن سۉنگ محل یشاوچیلرینینگ پولیس فوریتلر مرکزیگه قونغیراق قیلیشدن سۉنگ تاپیلگن.
بیزلرنینگ «ایکس» ترماغی ده هم تعقیب قیلینگ!
بو عیال، افغانستانلیک بیر کیشینینگ ایکینچی خاتینی بولگن، او یقینده افغانستان گه قیتگن و یاش عیال فرزندلری بیلن تهرانده اجارهدهگی اویده یشب کېلهیاتگن اېکنلر.
