هلمند ده منبع‌لر نینگ سلام‌وطندار گه ایتیش‌لریچه، اوتگن کیچه (پنج‌شنبه، ۱۲-جوزا) هلمند-قندهار قتناو یولیده بیر موتر نینگ چپه بولگنی نتیجه‌سیده، بیر کیشی هلاک و اوچ کیشی ایسه یره‌لنگن.
شونده‌ی بیرحالده، هلمند معلومات و مدنیت ریاست رئیسی حافظ راشد هلمندی، اوشبو واقعه نی تصدیق‌لب سلام‌وطندار گه ایتیشیچه، مذکور واقعه‌ده بیر کیشی هلاک و بیر عیال شامل ایکی ایرکک یره‌لنگن.
بیزلرنینگ فیسبوک صحیفه‌میزگه باش اورینگ!
جناب هلمندی گه کوره، چپه بولگن موتر لشکرگاه نینگ مشهور عالم‌لریدن بیری مولوی عبدالحمید گه تیگیشلی دیر و شونینگدیک یره‌دارلر آره‌سیده اوشبو عالم هم شامل دیر.
شونده‌ی بیرحالده، اوتگن کون اوشبو ولایت ناوه تومنی‌ده یوز بیرگن ترافیکی واقعه‌ده بیر باله هلاک بولگن.
ایتیش کیره‌ک که، سونگی کون‌لرده هلمند و مملکت نینگ بیر قطار ولایت‌لریده ترافیکی واقعه‌لر کوپه‌یگن دیر.
