هرات ولایتی محلی مسئوللری، اوشبو ولایت نینگ زاول تومنیده ترافیکی حادثه عاقبتیده باله‌لر شامل بیر عایله نینگ ۹ اعضاسی هلاک بولگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
هرات حاکمی سۉزلاوچیسی یوسف سعیدی گه کوره، بو واقعه ۲۸-سنبله، چهارشنبه کونی عصر پیتی، مذکور ولایت نینگ زاول تومنیده یوز بیرگن.
اوشبو واقعه «پاسو» رسوملی بیر موتر بیلن «۵۸۰» رسوملی بیر موتر نینگ توقنشووی عاقبتیده یوز بیریب و پاسو ده‌گی برچه کیشی‌لر قربان بولگن دیېدی، هرات حاکمی سۉزلاوچیسی یوسف سعیدی.
بیزلرنینگ «ایکس» ترماغی ده هم تعقیب قیلینگ!
بو واقعه، هیداوچیلر نینگ تیز هیده‌شی و ترافیکی قاعده‌لر رعایت اېتلمسلیگی سبب یوز بیرگنی اېتیله‌دی.
مملکت نینگ تورلی ولایت‌لری اینیقسه هرات ولایتیده انده-سنده بو کبی واقعه‌لر یوز بیریب باله‌لر و عیاللر شامل یشاوچیلردن قربان‌لیک آله‌دی.
