بلخ ولایتی قاچقینلر ریاستی مسئوللری، اوشبو ولایتده عیاللر اوچون قالین ایشلب چیقریش و پروسس قیلیش بیر مرکز نینگ قوریش ایشی یکونلنیب و آچیلگنینی معلوم قیله‌دیلر.
بلخ ولایتی قاچقینلر باشلیغی اسدالله وفا گه کوره، قالین ایشلب چیقریش و پروسس قیلیش اوشبو مرکز مذکور ولایت نینگ قالین‌بافان شهرچه‌سیده قوریلگن، بو مرکز ۲۰-سنبله، سه‌شنبه کونی عصر پیتی، قاچینلر وزیرلیگی نینگ معینی عبدالرحمان راشد حضوری بیلن آچیلیب و فایده‌لنیشگه تاپشیریلگن.
بیزلرنینگ فیسبوک صحیفه‌میزگه باش اورینگ!
اسدالله وفا نینگ کوپه‌یتیریشیچه: «بو مرکز نهرشاهی تومنیده اهالی نینگ اېسته‌گی و احتیاج‌لر اساسیده قوریلگن و مصرفی UNHCR تامانیدن توله‌نیلیب و اکتید اداره‌سی تامانیدن تطبیق اېتیلگن.»
قاچقینلر وزیرلیگی نینگ معینی عبدالرحمان راشد، بو مرکز اوچ ییلده بیرلشگن ملتلر تشکیلاتی عالی کمیسارلیگی نینگ مالی یاردمی بیلن ۳۵۰ مینگ دالر عوضی گه قوریلگنینی اېته‌دی.
اونینگ کوپه‌یتیریشیچه: «اوشبو مرکزده ایران و پاکستان کبی اولکه‌لردن قیتگن قریب ۱۰۰ عیال ایش بیلن تأمینلنگن.»
بیزلرنینگ «ایکس» ترماغی ده هم تعقیب قیلینگ!
قالین ایشلب چیقریش و پروسس قیلیش مذکور مرکز، یشاوچیلری کوپراق قالین ایشلب چیقریش صناعتی بیلن مصروف بولیب و اوشبو یول آرقه‌لی احتیاج‌لرینی تأمینله‌یدیگن منطقه ده قوریلگن.
محل یشاوچیلریدن عزت‌الله، بو مرکز آچیلیشیدن خورسندلیک بیلدیریب ایتیشیچه: «حقیقتن بوگون خورسندمیز؛ چونکه بو مرکز ستندرد و اساسی شکلده قوریلگن و بوندن کېین اېسه عیاللر ایش بیلن مصروف بوله‌دیلر.»
توزوم اۉزگریشی بیلن، مملکت مقیاسیده قالین ایشلب چیقریش ایشخانه‌لر نینگ قوریلیش ایشی کوپه‌یگن بیرحالده، بو مرکز قوریلیب فایده‌لنیشگه تاپشیریلگن.
