فاریاب ولایتی چهلگزی تومنیده «اصحاب کهف» آتیده باشلنغیچ بیر مکتب قوریلیب و فایدهلنیشگه تاپشیریلگن.
فاریاب معارف باشلیغی حمیدالله ارشادنینگ ایتیشیچه، مذکور مکتب تعلیم صفتی آشیریلیشی و اوقووچیلرنینگ تعلیمی امکانیتلردن یخشیراق فایدهلنیشلری مقصد، قوریلگن.
بیزلرنینگ فیسبوک صحیفهمیزگه باش اورینگ!
جناب ارشاد، سکیز صنف، بیرته اداری اتاق، لابراتوار و باشقه امکانیتلرگه ایگه بولگن بو مکتبنینگ ۱۵ میلیون ۲۰۰ مینگ افغانی عوضیگه قوریلگنینی بیان قیلگن.
اونگه کوره، بو مکتبنینگ قوریلیب و فایدهلنیشگه تاپشیریلیشی بیلن قریب ۲۸۸ اوقووچیگه تعلیم آلیش زمینهسی یرهتیلگن.
بیزلرنینگ «ایکس» ترماغی ده هم تعقیب قیلینگ!
محل یشاوچیلر اوشبو مکتبنینگ قوریلگنیدن خورسندلیک قیلیب، تعلیمی نهادلرنینگ سقلنیشی و فرزندلری تعلیمی اوچون تینچ فضا یرهتیلیشیده فعال شکلده حصه قوشیشلری توغریسیده سوز بیرگنلر.
