بلخ خوفسیزلیک مسئوللری نینگ ایتیشلریچه، اوشبو ولایت مرکزی مزارشریف شهری ده بیر کیشی، عایله‌سی نینگ تورت اعضاسینی اولدیرگن.
بلخ امنیه قوماندان‌لیگی سوزلاوچیسی محمدآصف وزیری گه کوره، مزارشریف شهری ییتّینچی خوفسیزلیک حوزه حدودلری گه قره‌شلی «کارته‌ی خراسان» ده ۱۳-دلو، جمعه کونی، ایکی عیال شامل بیر عایله نینگ تورت اعضاسی اولدیریلگن.
بیزلرنینگ فیسبوک صحیفه‌میزگه باش اورینگ!
وزیری نینگ کوپه‌یتیریشیچه، مذکور عایله نینگ اوغلی اوشبو کیشی‌لرنی اولدیرگن و حاضرگچه واقعه سببی و قنده‌ی‌لیگی بیللی بولمه‌گن.
بلخ امنیه قوماندان‌لیگی سوزلاوچیسی گه کوره، واقعه عاملینی قولگه آلیش اوچون تیکشیریش‌لر باشلنگن.
عین‌حالده، مزارشریف شهری یشاوچیلریدن بیرقطاری نینگ ایتیشلریچه، بو تورت کیشی «وحشی‌لرچه» پیچاقلنیب اولدیریلگن.
بیزلرنینگ «ایکس» ترماغی ده هم تعقیب قیلینگ!
بلخ یشاوچیلری نینگ معلوماتی اساسیده، اوشبو واقعه ده کیکسه بیر کیشی تورموش اورتاغی، یاش اوغلی و تیش داکتری بولگن بیر قیزی بیلن یشش اوی‌لریده اولدیریلگنلر.
