الجزیره، بوگون (۱۸ حمل/۷ اپریل، سهشنبه) بیر گزارش ترقهتیب ایتیشیچه، امریکا کانگرسی بیرقطار اعضالری اوشبو مملکت جمهور باشلیغی دونالد ترامپنی لوازمیدن چیتلشتیریلیشینی سورهگنلر.
آریزونا وکیلی یاسمین انصاری، ایکس صحیفهسیده ترامپ «هلاکتلی و ناقانونی اوروش»نی کینگهیتیرماقده و لوازمیدن چیتلشتیریلیشی کیرهک دیب یازگن. «ترامپ هلاکتلی و ناقانونی اوروشنی کوچهیتیرماقده، کینگ قمراولی اوروش جنایتلری بیلن تهدید قیلماقده و ایراننینگ آست قورمهلرینی نشانگه آلهیپتی. سونگی ۴۸ ساعت ایچیده اونینگ سوزلری برچه چیگرهلردن آشیب کیتدی.»
آلدینراق، مینهسوتا وکیلی الهام عمر هم شوندهی دیگن ایدی: «بو قبول قیلیب بولمهیدیگن حالت. ۲۴ مادهنی عملگه آشیرینگ. استیضاح قیلینگ. اونی لوازمیدن چیتلشتیرینگ. بو نظارت قیلیب بولمهیدیگن دیوانه چیتگه سوریلیشی کیرهک.»
نیومکزیکو وکیلی ملانی استنسلری هم شوندهی دیگن: «ایندی ۲۵ مادهنی عملگه آشیریش وقتی کیلدی. کانگرس و کابینه حرکت قیلیشی درکار.»
شو بیلن بیرگه، ایلینوی جمهوریتچیلر سابق وکیلی جوا والش ترامپ بارهسیده شوندهی دیگن: «او بو مملکت و دنیا اوچون ابدی داغ بولیب قالهدی. ۲۵ ماده، حاضر.»
باشقه تاماندن، دموکرات سناتوری کریس مورفی ایکس صحیفهسیده شوندهی یازگن: «اگر مین ترامپ کابینهسیده بولگنیمده، تازه هییت بیرهمی تعطیلاتیده ۲۵ مادهنی محاکمه قیلیش اوچون اساسی قانون وکیللری بیلن علاقه قوریشده بند بولردیم. بو مطلقا و جوده نظارت قیلیب بولمهیدیگن حالت. او حاضرگچه مینگلب آدملرنی اولدیردی و باشقه مینگلب آدمنی اولدیریشی ممکن.»
بو مناسبتلر عینحالده بیلدیریلماقده کی، امریکا و اسرائیلنینگ ایران بیلن اوروشی ۲۸ فبروریدن بیری دوام ایتماقده و ترامپ ینگیلیکده تهدید قیلیب اگر تهران هرمز بوغوزینی آچمسه و واشنگتننینگ شرطلرینی قبول قیلمسه، ایراننینگ برچه برق، کوپریکلری و باشقه مهم آست قورمهلرینی نشانگه آلیشینی ایتگن.
