کسب-هنر ترتیبلی فعالیت‌لردن بولیب و آدملر اېرکین، مهارت و علاقه‌مندلیکلری گه بناً درآمد قولگه کېریتیش اوچون تنله‌یدی. عین‌حالده، رسمی وظیفه ده آدملر تشکیلات‌لر و نهادلر نینگ قاعده‌لری اساسیده عمل قیلیشه‌دی.
سلام‌وطندار نینگ بوتوغریده‌گی تېکشیرووی اساسیده، یاشلر تحصیللری یانیده وظیفه اجرا قیلیب و مالی نقطه-نظریدن اۉزلرینی اۉزینی تأمینله‌یدی.
سلام‌وطندار تحصیل قیلگن ۱۷ یاش بیلن صحبت اۉتکزگن، اولر تحصیل یانیده بیر کسب نی هم بیلیش‌لرینی اېتگنلر و باشقه ۱۷ یاش یالغیز تحصیل قیلیب و هېچ قنده‌ی کسب نی بیلمسلیک‌لرینی معلوم قیلگنلر، تحصل قیلیب و کسب نی بیلگن یاشلر حیات‌لریدن راضی‌لیکلرینی اېتگنلر.
اوشبو گزارش ده ۱۳ قیز و ۲۱ ییگیت بیلن صحبت اۉتکزیلگن، اولر ارا تحصیللری گه تېنگ مناسب ایشلری بولمه‌گن ییگیت‌لر اقتصادی قیین احوالده لیکلرینی اېتگنلر. عین‌حالده، تحصیل گه قۉشیمچه، مسلکنی بیلگن ییگیت‌لر اقتصادی احواللری یخشی‌لیگینی بیلدیرگنلر.
فاریاب ولایتی یشاوچیشی حقوق و علوم سیاسی همده قابله‌لیک بولیمیدن فارغ بولگن بنفشه گه کوره، ایکّی آیدن بیری ایش‌سیز دیر و تحصیل یانیده کسب بیلگنده اېدی، حاضر اقتصادی قیین احوالده قالمسلیگی ممکن اېدی.
اونینگ کوپه‌یتیریشیچه: «اۉزیم تورلی اینجولر و خلق‌ارا تورلی اداره‌لرده ایشله‌گن من ایکّی آیدن بیری ایش‌سیز من و بونی یانیده کسب بیلگنده اېدی طبیعی که عایله‌م نینگ اقتصادی گه یاردم بیرگن بولردیم، افسوس بیلن هېچ کسب-هنرنی بیلمه‌ی من.»
لیسانس درجه‌سیگه قدر تحصیل قیلگن محمدیونس نینگ ایتیشیچه، اوقیش گه کوپراق دقت قیلگن‌لیگی طفیلی هېچ مسلکنی اورگنه آلمه‌گن. اونینگ ایتیشیچه، مملکتده تحصیل قیلگن یاشلر گه ایش فرصت‌لری یوق‌لیگی طفیلی هر بیر یاش نینگ مسلکنی اورگه‌نیشی جدی نیاز دیر.
اونگه کوره: «افسوس بیلن ایتیشیم کېره‌ک اۉزیم شامل باشقه مینگلب ییگیت ایش‌سیز دیر و ایش فرصتی یوق، ای‌کاش تحصیل یانیده بیر مسلکنی اورگنسه اېدیک. موتر سازلیک، تیکووچیلیک، گچ‌کارلیکنی اورگنسه اېدیک بوگون‌لیک کونده بیر لقمه نان تاپردیک، یالغیز تحصیل گه سویه‌ندیم.»
بو گزارش ده، تحصیل یانیده مسلکنی بیلگن ییگیت‌لر بیلن هم صحبت اۉتکزیلگن. گزارش ده صحبت قیلگن ۱۷ یاش نینگ ایتیشلریچه، لیسانس درجه‌سی گه قدر تحصیل قیلگنلر لېکن ایش یوق‌لیگی اوچون یالغیز مسلک‌لری آرقه‌لی احتیاجلرینی تأمینله‌ماقده‌لر.
بیزلرنینگ فیسبوک صحیفه‌میزگه باش اورینگ!
بامیان‌لیک محمدجواد، فلسفه بولیمی و جوزجان‌لیک نفس قابله‌لیک بولیمیدن فارغ بولگنلر، حاضر تیکووچیلیک و قول صناعتی ایشلری بیلن مصروف‌لیک‌لرینی اېته‌دیلر.
محمدجواد نینگ ایتیشیچه: «تحصیل یانیده بیر دکانده تیکووچیلیک قیلر اېدیم ۱۲-صنف اوقووچیسی اېدیم، حاضرگی دکان ۱۰-صنف دن قالگن شو ایش بیلن مصروف من، تیکووچیلیک بیلن تحصیل مصرفینی تاپیردیم.»
شونینگدیک نفس گه کوره: «قابله‌لیک بولیمیدن فارغ بولگن من، بیلیم یورت باریش پیتیده ایشلردیم و حاضر هم ایشله‌ی من، عیاللر و ایرکک‌لر اوچون یخن، پاچه و چادر تیکه‌من، مین بو مسلکنی کیچیک‌لیگیمده آنه‌مدن اورگندیم و حاضر اۉزیم تیکه‌من.»
اوشبو گزارش اساسیده، تحصیل گه علاوه مسلکنی بیلگن ییگیت‌لر کېله‌جکّه دایر خورسند و امیدوار دیر اقتصادی احواللرینی کفالت بولگن دیه ایشانه‌دیلر، بیراق تحصیل یانیده مسلک نی بیلمه‌گنلر احواللریدن خواطرده‌لر.
بیزلرنینگ «ایکس» ترماغی ده هم تعقیب قیلینگ!
خصوصی مکتب‌لردن بیریده اوقیتووچی محمدرحیم و ژورنالیست بولیمیدن فارغ بولگن احمدسمیر، رسمی ایش یانیده تیکووچیلیک و مستری‌گرلیک ایش بیلن مصروف دیر و هر قنده‌ی شرایط ده احواللری یخشی‌لیگینی اېته‌دیلر.
محمدرحیم نینگ ایتیشیچه: «خصوصی مکتب‌لردن بیریده اوقیتووچیلیک قیله‌من و اونی یانیده تیکووچیلیک هم قیله‌من، مکتب دن رخصت بولگچ تیکووچیلیک دکان گه باره‌من و الله گه شکر که حیاتیم یخشی و ایکّی تاماندن درآمدیم بار، کونی کېلیب مکتب دن چیقیب قالگن حالده مسلکیم بار و شو یول بیلن اۉزیم و عایله اعضالریم نینگ احتیاجلرینی تأمینلشیم ممکن.»
احمدسیر گه کوره: «تحصیل یانیده مسلکنی بیلیش یخشی دیر و خورسندلیک بیلن یېتکرمه‌لردن بیریده ایشله‌ی من و اونی یانیده مستری‌گرلیک ورکشاپ بار و بو یول آرقه‌لی درآمد هم قیله‌من، خورسندلیک بیلن حیاتیم یخشی.»
مخابراتی شرکت‌لردن بیری نینگ خادمی محمدپوپل و دولت اداره‌لریدن بیری نینگ خادمی احمدنصیر، ایکّیله‌سی کسب-هنر بیلمسلیک اوچون وظیفه‌لری احوالیدن خواطرده اېکنلرینی اېته‌دیلر.
محمدپوپل گه کوره: «مخابراتی شرکت‌لردن بیریده ایشله‌ی من و تحصیل یانیده هېچ کسب‌نی اورگنمه‌دیم چونکه اوقیش بیلن مصروف اېدیم و رژیم اۉزگرگچ قریب بیر ییل ایش‌سیز قالدیم لېکن قولیمدن هېچ نرسه کېلمسدی و حاضر هم تشویش ده من.»
احمدنصیر نینگ کوپه‌یتیریشیچه: «لیسانس درجه‌سیگه قدر اوقیگن من و بولیملردن بیریده ایشله‌یپمن و تحصیل یانیده کسب اورگنمه‌گنیم اوچون تشویش ده من، چونکه وظیفه نی قولدن بیرگن حالده باشقه هېچ درآمد منبع یوق.»
بو گزارش ده تحصیل قیله‌یاتگن یاشلر بیلن هم صحبت اۉتکزیلگن.
یاشلر نینگ ۱۱ ته‌سی، کسب-هنر اورگه‌نیب و مناسب درآمدلری بولیشگه قرارلی اېکنلرینی اېتگنلر.
سلما سلیم و فریده کریمی تیکووچیلیک بیلن تحصیل خره‌جت‌لرینی تأمینله‌یدیلر.
سلما سلیم نینگ کوپه‌یتیریشیچه: «کیمیا بولیمی طلبه‌سی من و تحصیل یانیده تیکووچیلیک بیلن مصروف من، بیش ییلدن بیری تیکووچیلیک قیله‌یپمن و تیکووچیلیک حیاتیمگه مثبت تأثیر قیلگن و بیر آز مالی احتیاجلریم همده تعلیم مصرفینی تأمینله‌ی من.»
شونینگدیک فریده کریمی گه کوره: «بیلیم یورت ایکّینچی ییل طلبه‌سی اېدیم بیلیم یورت‌لر ایشیگی یاپیلدی و اوقیش یانیده تیکووچیلیک نی هم اورگنیب و احتیاجلریمنی تأمینلردیم و حاضر هم تیکووچیلیک قیلیب و احتیاجلریمنی اۉزیم تأمینله‌ماقده من.»
باشقه تاماندن کسب اورگه‌نیشنی قرار قیلگن صنم و عایشه نینگ ایتیشلریچه، تحصیل پیتیده عایله‌لری قۉللب-قوتله‌گنلر. حاضر کسب آرقه‌لی درآمد قیلیش بیلن مالی مستقل‌لیکّه ایریشیش اوچون سعی-حرکت قیلماقده‌لر.
صنم گه کوره: «نرسنگ ایکّینچی ییل طلبه‌سی من و هېچ بیر کسب‌نی بیلمه‌ی من شونی اوچون تحصیل خره‌جتینی عایله‌م تأمینله‌یدی بیراق کېله‌جکده مستقل قیز بولیب و مسلک اورگه‌نیشنی اېسته‌ی من.»
عایشه نینگ کوپه‌یتیریشیچه: «حقوق و علوم سیاسی اوچینچی ییل طلبه‌سی من، بیلیم یورت‌لر ایشیگی یاپیلدی، تحصیل خره‌جتینی عایله‌م توللر اېدی و حاضر ایش‌سیز من احتیاجلریمنی اۉزیم تأمینلش اوچون بیر کسب اورگه‌نیشنی اېسته‌ی من.»
برچه‌سی بیلن، اجتماعی و اقتصادی ایش بیلرمان‌لر، یاشلر جمعیت نینگ اساسی ستونینی تشکیل بیره‌دی و تحصیل یانیده مسلک اورگه‌نیش ثباتلی جمعیت شکللنیشی و اقتصادی ترقیات گه یاردم بیریشینی اېته‌دیلر.
اجتماعی ایش بیلرمان راشد صدیقی نینگ ایتیشیچه: «بیر جمعیت اقتصاد نقطه-نظریدن تورلی بولیملرگه نیازمند دیر و جمعیت ده‌گی سودا و مهارت‌لرنی آشیریش همده اقتصادی مسئله‌لرده رولی بولیشی ممکن.»
شونینگدیک، اقتصادی ایش بیلرمان شاکر یعقوبی نینگ کوپه‌یتیریشیچه: «کسب هر بیر جمعیت نینگ اساسی ستونی و اقتصادی ترقیاتی سنله‌دی، آدملر نینگ مهارت و تخصصی بولگن حالده، اقتصادی تورلی ساحه‌لرده فعالیت قیلیشی ممکن. بو نه‌فقط آدملر نینگ درآمدی گه سبب بوله‌دی بلکه جمعیت اقتصادی گه مثبت تأثیر قیله‌دی.»
تحصیل قیلگن و مسلکنی بیلگن یاشلر گه ایش فرصت‌لری یره‌تیلیشی خصوصیده، سرپرست حکومت ایش و اجتماعی ایشلر وزیرلیگی نینگ ریجه‌لرینی اورگه‌نیش اوچون سعی-حرکت قیلدیک؛ لېکن کېتمه-کیت قونغیراق‌لر و اوشبو گزارش ترقه‌لگونچه اولر جواب قیتریش گه حاضر بولمه‌دی.
قیزلر نینگ ایش و تحصیلی گه یره‌تیلگن چېکلاولردن سۉنگ، کوپینچه یاشلر اینیقسه قیزلر کسب مهارت‌لرنی اورگه‌نیش گه یوز کېلتیرگنلر.
