اوتگن “شنبه” کونی شام چاغیده پکتیا ولایتی نینگ سیدکرم تومنیده جاده چیککه‌سیده جایلشتیریلگن ماین نینگ پارتلشی نتیجه‌سیده بیر عایله نینگ ۱۲ عضوی هلاک و باشقه ۲ عضوی یره‌لنگن.
مذکور عایله اعضالریدن بیری نورجان نینگ سلام‌وطندارگه ایتیشیچه، اوشبو واقعه‌ده آته‌سی شامل ۳ ایرکک، ۳ عیال و ۶ باله هلاک و باشقه ۲ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
نورجان عایله‌سی نینگ ۱۲ عضوینی قولدن بیرگن. اونینگ ایتیشیچه، عایله‌سی اوروش‌لر سبب، بند قالگن ایدی و تینچ منطقه‌ده باره‌دیگن پیتده بو سرنوشت بیلن روپه‌ره بولگنلر.
اونینگ کوپه‌یتیریشیچه، طالبان گروهی اوروش بولگن منطقه‌لرده جاده‌لرگه ماین جایلشتیرگن و اهالی ناتینچ منطقه‌دن قاچیش اوچون سعی و حرکت قیلگن پیتده بونده‌ی سرنوشت بیلن روپه‌ره بوله‌دی.
پکتیا ولایتی کسلخانه‌سی باشلیغی داکتر اصیل‌‌خان نینگ ایتیشیچه، بو واقعه‌ده یره‌لنگنلردن ایکی ته‌سی کسلخانه‌گه انتقال بیریلگن.
بیزلرنینگ فیسبوک صحیفه‌میزگه باش اورینگ!
پکتیا ولایتی کینگش عضوی محمدالرحمان قادری نینگ ایتیشیچه، بو واقعه‌ده ۱۲ تینچ اهالی هلاک ایتیلگن.
عین‌حالده، پکتیا ولایت مقامی نینگ مطبوعاتی مسوول‌لری نینگ ایتیش‌لریچه، مذکور پارتلش خصوصیده معلومات توپلماقده‌لر و بیللی آمار قولگه کیلگنیدن سونگ، میدیالر بیلن شریک قیلینه‌دی.
