جوزجان ده محلی مسئوللرنینگ ایتیشلریچه، اوشبو ولایت مرکزی شبرغان شهریده جایلشگن افغان-تورک بالهلر کسلخانهسی حدودیده، ۱۶ میلیوندن آرتیق افغانیلیک بیر مارکیت قوریلیب و فایدهلنیشگه تاپشیریلگن.
«حشمتالله قاریزاده» انشاآتی شرکت مسئولی حشمتالله قاریزادهنینگ ایتیشیچه، بو لایحه اوشبو شرکت آرقهلی ساغلیقنی سقلش وزیرلیگینینگ عامه و خصوصی همکارلیک دستوری دایرهسیده، ۱۶ میلیون ۴۰۰ مینگ افغانی عوضیگه قوریلگن.
بیزلرنینگ فیسبوک صحیفهمیزگه باش اورینگ!
قاریزادهنینگ کوپهیتیریشیچه، اوچ قوتلی مذکور مارکیت ۳۶ دکان، بیر مسجد، رستورانت، مسافرخانه و باشقه بیر قطار امکانیتلرگه ایگه بولیب و اونینگ قوریلیش ایشی بیر ییلده یکونلنگن.
جوزجان حاکمی گلحیدر شفق، امنیت تامینلنگنی و محلی مسئوللرنینگ سعیوحرکتی نی، بو ولایتده آستقورمه لایحهلرینینگ عملگه آشیریلیش سببی دیب و سوداگرلردن، مملکت رواجلنیشی اوچون موجود فرصتلردن فایدهلنیشلرینی ایستهگن.
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، ساغیلقنی سقلش وزیرلیگینینگ عامه و خصوصی همکارلیک دستوری باشلیغی محمدظاهر ظهیر، مذکور لایحهنینگ ایش صفتیدن رضایتینی بیلدیریب و اونی، خصوصی سکتوری بیلن دولت آرهسیدهگی همکارلیکنینگ موفق نمونهسی دیگن.
جوزجان یشاوچیلریدن قطاری، اوشبو مارکیتنینگ قوریلگنیدن خورسندلیک قیلیب، اونی محلی اقتصاد رواجلنیشی، شهری آسایشتهلیکلر یرهتیلیشی و ترقیاتی خذمتلر یخشیلنیشیده اونملی آدیم دیگنلر.
