حیاتده بعضی کونلر کېلهدی-گوزهللیک و قووانچ اۉز معناسینی یوقاتهدی و انساننینگ کوزلریدن یاش هم قوریدی؛ بیراق دوالنیشنی کوتهیاتگن دردلر همان قالهدی.
زینب، وردک ولایتی مرکزی میدانشهردن بولگن بیر آنه-کوپ ییللر دوامیده غمگین کوزلری بیلن حولینینگ دروازهسیگه تیرمولیب توریب و بنگیوار ماده گه چلینگن اوغلی اوی گه قیتیشنی کوتهدی. بری-بیر بو کوتیش توگهیدی و ۳۱ یاشر مصطفا، بو عیالنینگ اوغلی، ییتّی ییل شیشه و پودر استعمال قیلیشدن کېین، تازه اوی گه قیتهدی.
مصطفا نیچه مراتبه بنگیوار ماده استعمال قیلیشدن واز کېچیب و ېنه بو قرانغو دنیا گه قیتهدی؛ بو احوال کیچیک عایلهسینی بوزیب و تورموش اورتاغینی اوندن اجره تهدی.
کوزینینگ چېتیده یاش قلقیب تورگن زینب، اوغلینینگ بای بیریلگن حیات کونلری حقیده بوندهی دیېدی: «بیر عایلهده معتاد بولسه، بوتون عایله اعضالری خفه دیر، حاضر احوالی یخشی فقط سابق و تورموش اورتاغینینگ افسوسینی قیلهدی، تورموش قوردی، بیراق خاتینی اجرهلدی، قریب اوچ ییل بولهدی عیالیدن اجرهلگن.»
بنگیوار ماده استعمال قیلیش طفیلی بو فقط مصطفا حیاتی اېمس بوزیلگن بولسه؛ بلکه کوپلب عایلهلر بار، اولرنینگ ایچیگه بنگیوار ماده کېریب کېلیشی بیلن بوزیلگن یاکه ایچ-ایچیدن ایزیلگن.
اوشبو گزارشده، عایلهلریدهگی ایرککلردن بیری بنگیوار ماده گه چلینگن سکیز عیال بیلن گپیریلگن؛ بو عایلهلر ایشسیزلیک، کمبغللیک و چېکسیز عذاب بیلن چلینگنلر.
بیزلرنینگ فیسبوک صحیفهمیزگه باش اورینگ!
لغمانلیک زینت، ۱۶ یاشر اوغیل آنهسی، تورت ییلدن بیری اوغلی شیشه و پودر استعمال قیلهدی، ایتیشیچه، اوشبو مدت ایچیده، اوغلی اویدن چیققن حالده، قیتیش یاکه قیتمسلیگینی بیلمسدی. بو اچیق کونلرده اوغلینینگ تینیمسیز شاوقینی، اویدن نرسهلرنی کیتمه-کیت اوغیرلشی و دهشتلی توشلر، زینتنینگ آنهلیکدن آلگن اولوشی اېدی.
اونینگ کوپهیتیریشیچه: «تورت ییل معتاد اېدی؛ بیر آی، ۱۵ کون یخشی بولردی؛ اویدن چیقیشی بیلن ېنه هم بو عملنی باشلردی. کوپ جنجل قیلر اېدی، اوغیرلهگن پیتی بولیب و هر قندهی ایش گه قول اورردی.»
ایرککلرنینگ بنگیوار ماده استعمالی طفیلی دود دن توله دنیاده، فقط آنهلر اېمس که بو حیاتنینگ ناخوش یرهداری بولسه؛ بلکه عایلهلر و عشقلر هم بونی سایهسیده چیریماقده. فریده، بیر وقتلر امید-آرزو بیلن ایری فهیم یانیده توختهدی، اېندی یالغیز قالگن. او کونلرنی اېسلهیدی-ایری بوکیلگن و بنگیوار ماده گه زهرلنگن میهسی بیلن، اویده شاوقین قیلیب اوندن اېسه بنگیوار ماده پولینی تیارلب بیریشینی سورردی. او پیتلرده، فریده اوچون حیات فقط یره و قورقودن عبارت اېدی. بعضی کونلرده کوپ چرچهگنی اوچون حیاتی گه چېک قوییشدن باشقه علاجی یوقلیگینی اویلردی. «ایریم اورردی؛ بالهلریمنی اورردی؛ نفقه تاپه آلمس اېدی. اویده شاوقین قیلیب بنگیوار ماده تیارلش اوچون پول سورردی.»
اېندی، فریدهنینگ ایری دوالنگن، دنیا مالیدن اونچه نرسهسی یوق و بو مرته کمبغللیک بو جفتلیکنینگ حیاتینی آغیرلشتیرگن. فریده گه کوره، ایری اۉزی اوچون ایش آچیشنی اېستهیدی؛ بیراق اونی اوچون پولی یوق. «اسباب-اوسکونهلری پوره اېمس؛ دکان یا که باشقه نرسه توزهتیش اوچون؛ بیچاره پول آرتیده؛ بیکار دیر.»
فاطمه، پرواندن باشقه بیر عیال، ۳۵ یاشر تورموش اورتاغینی اوچ ییلدن کېین تاپگن ایتیشیچه، اونی کورگن پیتیده، معتادلرنی دوالش مرکزیده بستری بولیب و ضعیف بولگن اېدی، بیراق بو حکایه یکونی اېمس. او ېنه بنگیوار ماده استعمال قیلیش گه یوز کېلتیریب و دوالنیش اوچون بستری بولگن.
بیزلرنینگ «ایکس» ترماغی ده هم تعقیب قیلینگ!
اېندی او، اوی گه قیتگن و بنگیوار ماده استعمال قیلمهیدی؛ بیراق ایشسیزلیک، پولسیزلیک و ایشانچسیز کېلهجک یگانه تشویشی دیر. فاطمه، مبادا ایری کمبغللیک طفیلی قیتهدن معتاد بولیشیدن قورقهدی. «اوتمیش گه نسبتن حاضر احوالی انچه یخشی. ایشی یوقلیگی اوچون تشقری چیقمهیدی؛ اسباب-اوسکونه ساتیب آلیش اوچون پولی یوق.»
بو آنهلر و تورموش اورتاقلر قوشیمچه، سینگیل بولگن قیزلر بار؛ بیراق ایناغهسینینگ حیاتینی آیدینلشتیریش و ایکّینچی دنیادن قوتقریش اوچون، آنه بولگنلر.
۲۵ یاشر خاطره، اۉز عمرینینگ بیر قسمینی اکهسینینگ معتادلیگی سایهسیده اوتکزگن قیز، تورت ییل دوامیده اونینگ حیاتی ویران بولیشگه گواه بولگنینی اېتهدی. اوشبو آپهنینگ ایتیشیچه، شیشه، استعمالی اکهسینینگ تورموش اورتاغینی اوندن قاچیرهدی و اونینگ کیچکینه قیزینی آته-آنهنینگ مهریدن محروم قیلهدی. خاطره، اۉزینی فقطگینه آپه صفتیده اېمس، بلکه اکهسینینگ قیزیگه آنه بولیب قالیشینی بیلدیرهدی.
حاضرده خاطرهنینگ اکهسی اېندی بنگیوار ماده استعمال قیلمهیاتگن بولسهده، حیات صرف-خرهجتلری اونینگ ییلکهسیگه آغیر یوک بولیب توشماقده و خاطره هنوزگچه اکهسینینگ کیچکینه قیزی اوچون تیهنچ بولیب قالگن.«اسباب-اوسکونه بیرگن اېدی، سرمایهسی یوقلیگی اوچون ایشلهی آلمهدی. یوسف تورت ییل شیشه استعمال قیلدی، بیلدیک احوالی جوده هم آغیرلشدی. خاتینی بار اېدی؛ کېین اېسه خاتینی اجرهب کېتدی، اوندن بیر کیچکینه قیز قالدی؛ قیزی قریب اوچ یاشر دیر؛ اۉزیم وایه گه ییتّیردیم. اوتگن ییل احوالی جوده هم یامان بولدی؛ ېنه کسلخانهده بستری قیلدیک.»
فتانه، کابلدن، اکهسینی بنگیوار ماده استعمال قیلیش آلاویدن قوتقیرگن قیز، او، هنوزگچه حیاتلرینینگ قیینچیلیکلری حل بولمهگنینی معلوم قیلهدی. ایشسیزلیک، کمبغللیک و یخشی باشپنه یوقلیگی، حیاتنی اونی اوچون آغیرلشتیرگن. فتانهنینک اکهسی اعتیادنی ترک قیلگن بولسهده؛ بیراق آیدین کېلهجک اوچون امیدوار اېمس، تورموش اورتاغی و بالهلری اونی ترک اېتگنلر و اوییده هېچ نرسهسی یوق، آغیر احوالده حیات کېچریب کېلماقده. «حیات و اقتصادی احوالی یامان دیر؛ باشقه بوتون ایناغهلریم بیکار دیر؛ آته عایلهسیدن اجرهلگندی؛ بنگیوار ماده گه چلیندی، خاتینی قویباریب آتهسینینگ اویی گه کېتدی.»
عایلهده ایرککلر گه نسبتن عیاللر بنگیوارماده استعمال قیلینیشی طفیلی کوپراق ضرر کورهدیلر، عیال حقوقی فعاللرینینگ ایتیشلریچه، بو معما کمهیشی اوچون عیاللرنینگ قۉللب-قوتلش برنامهلری اوتکزیلیشی کېرهک.
عیال حقوقی فعالی تهمینه منگل گه کوره: «معتادلیکدن عایلهده ایرککلر گه نسبتن عیاللر کوپراق ضرر کورهدی. عیاللرنینگ روحی سلامتلیگی گه تأثیر قیلهدی؛ جامعهده کمسیتیلیش قیینچیلیگی بیلن روپهره بولهدیلر. دولت و جامعه عیاللرنی قۉللب-قوتلش و اولر اوچون حمایتی مرکز ایجاد اېتیشی لازم.»
سۉنگی ییللرده، افغانستان مقیاسیده بنگیوار مادهلری اېکیلیشی، کوپینچه کیشیلرنینگ معتاد بولیشیگه سبب بولگن. سرپرست حکومت ساغلیقنی سقلش وزیرلیگینینگ سۉزلاوچیسی شرافت زمان امرخیل بوتوغریده آیدینلیک کېریتمسدن، سۉنگی ییللرده بنگیوار مادهلر گه چلینگنلر سانی کوپهیگنینی معلوم قیلهدی.
افغانستانده جمهوریت دوریده بنگیوار مادهلرنینگ اېکیلیشی، ایشلب چیقریلیشی و ترقهتیلیشی اوچون نارسمی و محدود اېرکینلیک، اجتماعی شخصی باشقه عامللر یانیده، کوپینچه ایرککلرنینگ معتاد بولیشی و عایلهلرنی تورلی قیینیچلیک بیلن دوچ قیلگن و کوپلب کیشیلر بو عذابلرنینگ توگهشینی همان کوتماقده.
