«ایرتنگدن کیچهگچه، کوچهلرده بوتل اختریب یوریگنمین.» بو، حاضر اویی یا-ده حویلیسینینگ بیر چیکهسیده و درخت سایهسیده چای ایچیب اولتیریشی ممکن بولگن بیر ایرککنینگ سیسی دیر؛ بیراق شفقتسیز تقدیر سوو و لای آرهسیدن بیر نیچهته بوتلنی آلیب و قولیگه بیر نیچه افغانی قالیشی اوچون اونی شهرنینگ افلاسلنگن اریغچهلری تامان آلیب بارگن.
او، هر کونی ایرتنگ ساعت سکیزده اوییدن چیقهدی و کوپراق کابلنینگ شهرنو کوچهلری ایکی تامانیده جایلشگن اریغچهلرده، ایچیملیکلرنینگ پلاستیکی و شیشهیی بوتللری، یاغاچ، کارتن و باشقه چیقیندیلرنی اخترهدی که اولرنینگ ساتیب و کیچهلر اوییگه بیر نیچه نان بیلن بارسه.
بیزلرنینگ فیسبوک صحیفهمیزگه باش اورینگ!
بوتون عمرینی قیینچیلیک و حیاتینینگ کوپینچه ییلینی ایشچیلیک بیلن اوتکزگن ۷۱ یاشر عبدالحمیدنینگ ایتیشیچه، ۶۰ ییل آلدین بالهلیک چاغیده ایشچیلیککه باشلهگن و حاضر تیزهلری ضعیف بولیب و ایشچیلیککه کوچی ییتیشمهگنی اوچون، اخلتلرنی ییغیشگه مجبور بولگن.
اونینگ ایتیشیچه، باشده سینگیل و ایناغهلرینینگ نیازلرینی حل قیلیش اوچون ایشچیلیک قیلهر ایکن و حاضر ایسه تورموش اورتاغی و فرزندلرینینگ نیازلرینی تامینلش اوچون چیقیندیلرنی اخترهتیشگه دوام بیرهدی. «بوتل توپلهیمن، قیش موسومی اوچون یاغاچ توپلهیمن، شو رقم قیش اوچون بیران نرسه برابرلب قویهمن. شونینگدیک بیران نرسه توپلب و ساتیش بیلن کیچهگچه ۱۰۰ روپیه قولگه کیلتیرهمن. ایرتنگدن کیچهگچه بوتل توپلهیمن و بیر اونته نان پولینی قولگه کیلتیرهمن.»
اوشبو ایرککنینگ اجین توشگن قوللری، یاریق و یرهدن توله دیر که بو یرهلردن هر بیری تینچلیک یوقلیگی، بوش قالگن دسترخوان و ییتیشماوچیلیک حقیده سوزلاوچی بیر حکایه دیر. حیات عبدالحمید اوچون قولی ایمس؛ اونینگ کوزلری درست کورمهگنی و ایاغلری هم ضرب اییب و سینگن بولسهده، بیراق ینه هم اریغچهلر و سرکلردن بوتل ییغیب و حیاتینی اوتکزهدی. «اریغچهلر، سرکلر و دکاندارلردن انه شوو بوتل و کارتن و باشقه بیران درد گه یرهگن نرسهلرنی آلهمن، کوزیم ضعیف بولگن. بوندن آلدین هیداوچی ایدیم و موتریم حادثه قیلدی. ایاغیم نیچه جایدن سینگن. کوزیم گه پرده توشگن و کوزیم یقیندن کوره آلمهیدی. شو بوتللرنی هم کوپ قیینچیلیک بیلن تاپهمن.»
روزغارنینگ برچه قیینچیلیکلری آرهسیده، عبدالحمیدنینگ اینگ بویوک خواطری بوگون ایشلش ایمس، بلکیم تنی و قوتی ایندی یاردم بیره آلمهیدیگن کونلر دیر. اوشه کونلرنی ایاغلری چرچهب و حرکتدن قالسه و چیقینلر ایچیدن بوتل و درد گه یرهگن نرسهلرنی ییغیشگه قوللرینینگ قوتی قالمسه. «آرزوم شو که هیچ کیم محتاج بولمسه. خوشم کیلهدی که بیر نرسه ایگهسی بولسم و حج گه بارسم و حیاتیمیز یخشی بولسه. بیر کونی ایشله آلمسم قندهی بولهدی دیب تشویش قیلهمن. مینی اوچون حاضر ایشلش هم قیین بولگن و اعصاب تکلیفی هم تاپگنمین.»
بیزلرنینگ «ایکس» ترماغی ده هم تعقیب قیلینگ!
عبدالحمیدنینگ یرهگیده ساده بیر حیاتنینگ حسرتی بار که کیچهلر راحت اوخلسه و فرزندلرینینگ قرنینی تویغزیشگه توشینیش اوچون مجبور بولمسه و شونینگدیک بوش بوتللر کییتیدن بو کوچهدن او کوچهگه باریش اوچون ایرتهلب برچهدن آلدین اویقودن اویغهنیشگه نیاز بولمسه. «۸ یاشدن کیین مین ایشچیلیککه باشلهدیم و حاضرگچه ایشلهیمن. قیینچیلیکلرنی چیدهگنیم اوچون حاضرگچه ایشلهیمن. هر رقم شرایطده ایشلهگنمین. حاضر هم حیاتیمیز یخشی ایمس.»
کابلنینگ مینگلب یوقالگن سیمالری آرهسیده، سکوت ایچیده حکایهلرنینگ دوامی بار و بو شهر کیملیگینینگ بیر بولیمینی شکللنتیرگن. چیقیندیلر آرهسیدن آلینهدیگن هر بیر بوش بوتل، یالغیز بیر بوتل ایمس، او حیاتده قالیش اوچون بیر توته نان دیر که عبدالحمید کبی باشقه بیر قطار کیشی یشش اوچون بو قیینچیلیکلر بیلن قرشی کورهشهدیلر.
