قندهار ولایت مسئول‌لری نینگ ایتیش‌لریچه، بوگون ایرته‌لب مذکور ولایت نینگ ۱۱- خوفسیزلیک حوزه‌سیگه تیگیشلی عینومینه شهرچه‌سیده، مازدا تیپلی بمب جایلشتیریلگن بیر موتر پارتله‌گن.
قندهار ده ایشانچلی امنیتی بیر منبع کیم‌لیگی سیرقالیش نی ایسته‌ب ایتیشیچه، بو پارتلش ده ۱۱- حوزه نینگ کوپ ییری تخریب بولگن و شونینگدیک ۷ پولیس تن جراحت کوتارگن. بیراق باشقه بیر منبع نینگ ایتیشیچه، بو واقعه‌ده ۱۱ پولیس و ۴ تینچ اهالی یره‌لنگن و باشقه ۳ پولیس هلاک ایتیلگن.
عین حالده، قندهار حاکمی سوزلاوچیسی بهیر احمد احمدی نینگ ایتیشیچه، بو واقعه‌ده یالغیز ۶ پولیس ینگیل جراحت کوتارگن.
حادثه شاهدلری گه کوره، پارتلش جوده کوچلی و شونینگدیک اونینگ سیسی کوپ یوقاری ایکن کیم نهایتده، اوزاق‍‌ده‌گی اویلرنینگ شیشه لرینی سیندیرگن.
اولر، دولت و طالبان گروهیدن اوروش نینگ اورنیگه تنیچلیک مذاکره‌سینی تیزلشتیریش‌لرینی سوره‌گن.
بو واقعه مسئولیتی نی حاضرگچه بیرار شخص یا-ده گروه اوز بوینیگه آلمه‌گن و حاضر منطقه پولیس نینگ نظارتیگه دیر.
عینو مینه شهرچه‌سی قندهار نینگ تینچ منطقه‌لریدن بیری دیر و رسمی‌لردن کوپینچه‌سی او ییرده یشه‌یدی.