بلخ یشاوچیسی بولمیش ۶۰ یاشر نجیبه حقانی، اوز محنتی و سعیوحرکتی بیلن اوشبو ولایت مرکزی مزارشریف شهریده جایلشگن «کلبهی هوسانه» آتیدهگی کیچیک رستورانتنی موفقیتلی و تانیلگن بیر کسبوکار گه اَیلنتیره آلگن. اونینگ ایتیشیچه، ییتی ییل آلدین ایشینی ۲۰۰۰ دالر قرض آلیش بیلن کیچیک بیر اویده باشلهگن و حاضر ایسه رستورانتی کوچهیب و بو ییرده ۱۲ عیال و ۲ ایرکک ایش بیلن شغللنگن.
بانو حقانینینگ کوپهیتیریشیچه: «باشلهگنیم پیتده، ۲۰۰۰ دالر نقد پولیم بار ایدی و اوی جودهیم کیچیک ایدی و مشتریلریمیز کوپ ایدی. جاینی بویوکراق قیلیشیمیز و شونینگدیک ایشلاوچیلر سانینی کوپهیتیریشیمیز کیرهک بولدی. باشده آلتی ایشلاوچیم بار ایدی و حاضر ایسه ۱۲ کیشیگه ییتیشگن؛ ایکی ایرکک و ۱۲ عیال که توپلم شکلده ۱۴ ایشلاوچی بولهدی.»
کلبهی هوسانه رستورانتی آچیلگنیدن ییتی ییل اوتیب و بانو حقانی، ایشلاوچیلریدن هر بیریگه کونده ۳۵۰ افغانی قولخرچی بیرهدی. بو رستورانتده ایشلهیدیگن عیاللردن کوپ قطاری عایله سرپرستی دیر.
بیزلرنینگ «ایکس» ترماغی ده هم تعقیب قیلینگ!
مذکور عیاللردن بیری شبنمنینگ ایتیشیچه، بو رستورانتدن قولگه کیلتیرهدیگن پول بیلن، تورموش اورتاغی دوالنیش خرهجتینی تامینلهیدی.
اوشبو رستورانت ایگهسی نجیبه حقانینینگ ایتیشیچه، کونده اورته شکلده ۷ مینگدن ۸ مینگ افغانیگه گوشت و باشقه آزیق-آوقت محصوللرینی ساتیب آلهدی.
آتی (کلبهی هوسانه) بولگنی کبی، بو رستورانت ده گوشتلی بولانی، گندنه بولانی، مخلوط بولانی، آشک، منتو، شولهی غوربندی، سمبوسه، اوزبیکی قابلی و باشقه بیر قطار آوقت، مشتریلریگه تیارلنهدی.
نجیبهنینگ کوپهیتیریشیچه، مشتریلری کوپ دیر و شونینگدیک ییتکرمهلر رستورانتینی اهالیگه تانیشتیریش بیلن ایشی رواجلنیشی توغریسیده مهم حصه قوشگنلر. «ایشیمنینگ باشیده ییتکرمهلر اورنینینگ مشتریلریم بازاریده مهم حصهسی بولگنینی بیلمس ایدیم. دولتی و خصوصی ییتکرمهلر بیلن مصاحبه قیلگنیم سبب، قولدن بیرگنیم پولنی قیته قولگه کیلتیریب و ایشیم رواجلندی. مشتریمنینگ بیران مراسمی بولگنیده نرسه بویورهدیلر و اولرگه ایستهگنلری آوقتلرنی تیارلهیمیز. هم اوزیم و همده ایشلاوچیلریم اوچون یخشی درآمد بولهدی.»
مزارشریف شهرینینگ «کارتهی آریانا» منطقهسیده جایلشگن اوشبو رستورانت، حاضر بیر عیال آرقهلی مدیریت بولهدیگن اینگ یخشی رستورانتلردن بیری دیر.
عیال حقوقی فعالی شیما حسینخیل، اوشبو عیال اقدامینی جسارت و عیاللرنینگ اوزیگه ایشانچی نمونهسی دیب و اورغولشیچه، چیکلاولر بولگنی بیرحالده، عیاللر جمعیتده یخشی اورینگه ایگه بوله آلهدیلر.
بیزلرنینگ فیسبوک صحیفهمیزگه باش اورینگ!
اونینگ سلاموطندار گه ایتیشیچه: «تدبیرکار عیاللر ایش فرصتلرینی یرهتیش، مالی امکانیتلرینی آشیریش، تیگیشلی بولیشنی کمهیتیریش بیلن، عیاللر اقتصادی مستقللیگینی کوچهیتیریش و اولرنینگ اوزیگه ایشانچلی بولیشلرینی کوپهیتیریشده اونملی اورینگه ایگهلر. بو پروسه نهفقط بیر کیشینینگ رواجلنیشیگه سبب بولهدی؛ بلکیم مملکتنینگ اجتماعی و اقتصادی رواجلنیشی امکانیت یرهتهدی. مالی آسایشتهلیکلر، تخصصی تعلیملر، حمایتی قانونلرنی وضع قیلیش و برابر فرصتلرنی یرهتیش آرقهلی دولت و مدنی نهادلرنینگ قولب-قوتلهشی، تدبیرکارلیک ساحهسیده عیاللر اورنینی یخشیراق قیلهدی. بو کبی حمایت نهفقط عیاللرنینگ امکانیتی آشیشیگه یاردم بیرهدی؛ بلکیم جمعیتنی عدالت و برقرار ترقیات تامان قرهتهدی.»
اقتصادی مسئلهلر بیلرمانی احمدخالد خلیلنینگ ایتیشیچه، عیاللر محلی اقتصادده حصه قوشیش و کیچیک ایش ساحهلرینی یرهتیش بیلن، مملکت اقتصاد وضعیتی یخشیلنیشیده اونملی حصه قوشه آلهدیلر. اونینگ کوپهیتیریشیچه، حکومت و مدنی نهادلر مالی و تعلیمی آسایشتهلیکلرنی یرهتیش بیلن، بو رقم تشبثدن حمایت قیله آلهدیلر.
ایتیش کیرهک که، کلبهی هوسانه رستورانتی حاضرگی کونده نهفقط آزیق-آوقت ییش اوچون بیر جای، بلکیم ایش زمینهسی یرهتیلیشی، اقتصادی مستقللیک و بلخ جمعیتیده امید منبعسی حسابلنهدی.
