جوزجان مرکزی شبرغان شهری اوزاق قیشلاقلریدن بیرینینگ توپراقلی سرکلریده، ۴۰ یاشر بیر عیال هیداوچیلیک بیلن عایله نیازلرینی تامینلهیدی. سایره اسملی اوشبو عیال اوچون هیداوچیلیک یالغیز بیر ایش ایمس، بلکیم عایلهسینی باقیش و تقدیریگه قرشی تیک توریش یولی دیر.
اوچ ییلدن بیری هیداوچیلیک قیلهدیگن سایره، ییتی باله آنهسی دیر. قیشلاق یشاوچیلری اونی نهفقط بیر هیداوچی، بلکیم قیشلاقدهگی عیاللر باشلیغی صفتیده تنلهگنلر که اهالینینگ ایتیشیچه، او جسارتی و قابلیتی بیلن تعریفگه سزاوار بیر عیال دیر. سایره گه کوره: «کوپ قیینلیک بیلن ایکیته موتر ساتیب آلدیم، تورموش اورتاغیم هیچ یاردم بیرمهدی؛ تورموش اورتاغیم هیچ ایشگه ایشی یوق. اوزیم ایشلشگه مجبور بولدیم و هیداوچیلیککه باشلهدیم.»
سایرهنینگ ایتیشیچه، تورموش اورتاغی ایشسیز بولیب و عایله خرهجتی توغریسیده توجهسیز بولگنی سبب، اوزی ایشلشگه باشلهگن. او، بانکدن قرضه آلیش بیلن بیرینچی موترینی ساتیب آلیب، اونینگ آیلیک درآمدی بیلن حیات خرهجتلرینی تامینلش مقصد اونی نهادلردن بیریگه کرایه گه بیرگن. بو اقدام ایسه یولنینگ باشلنغیچی بولیب موتریدن قولگه کیلتیرگن درآمد بیلن ایکینچی موترینی ساتیب آلیب و اوزی بو موترنی هیدهیدی. «مذکور موترنی ساتیب آلیش اوچون هیچ نقد پولیم یوق ایدی، اوزیم، بالهلریم و حتا جیینلریم آتیگه بانکدن قرضه آلیشگه مجبور بولدیم.»
لیکن سایره اوچون حیات اونچه مهربان بولمهگن. مذکور عیال ایکی فرزندینی کسللیک و قیشلاقلرینینگ شهردن اوزاقده بولگنی طفیلی اولرنی تیزلیککه کسلخانه گه آلیب باره آلمسلیک سبب، قولدن بیرگن. «هیداوچیلیکنی بیلمسلیک و موتریم یوقلیگی اوچون بالهلریم اولدی. هیداوچیلیکنی بیلسه ایدیم، حاضر ایکی بالهم هم حیاتده بولر ایدی.»
سایرهنینگ حیات کیچیرهدیگن قیشلاق، شبرغان شهریدن ساعتلرچه فاصلهسی بولیب و انه شوو موضوع، اونینگ هیداوچیلیککه یوز کیلتیریشی گه سبب بولگن. اونگه کوره، ایشینینگ باشیده کوپینچه مخالفتلر بیلن روپهره بولگنی بیرحالده، حاضر ایسه ایرککلر و عیاللرنی بیر ییردن باشقه بیر ییرگه آلیب باریش توغریسیده بیر قطار ایش قراردادلرینی قولگه کیلتیرگن. «عایله و تورموش اورتاغیم هیداوچیلیککه رخصت بیرمس ایدی؛ عیالگه هیداوچیلیک بولمهیدی دیدیلر؛ تورموش اورتاغیم بو ایشنینگ ترک قیلیشیمنی ایستهدی؛ بیراق اوزیمگه ایشانچیم بار ایدی و بو ایشگه دوام بیردیم.»
سایرهنینگ ایتیشیچه، اونگه قرشی یشاوچیلر قرهشلری فرقلی دیر. موتر گه مینگن ایرککلردن قطاری تعجب بیلن «عیال هیداوچی؟» دیدیلر و بیر قطار کیشی ایسه تشویق قیلهدیلر و شونینگدیک بیر قطاری ایسه کنایه آتیب و اذیت قیلهدیلر. حاضر عیاللردن قطاری سایرهنی سرکلرده کورگنیده، هیداوچیلیککه قیزقهدیلر. بیر قطار عیال اوندن هیداوچیلیک کورسینینگ آچیشینی ایستهگن که بو ایستهک سایرهنینگ بیر آرزوسیگه اَیلنگن. «رخصت بیریلسه، عیاللرنینگ اوزلری هیداوچی بولیشی بولیب و هیچ کیمگه محتاج بولمسلیکلرینی ایستهیمن. عیاللردن حمایت قیلهمن که هر بیر عیال هیداوچیلیکنی بیلسه. کیلهجکده هم بو ایشنی دوام بیریش و ادارهلر بیلن قراردادلریم بولیشینی آرزو قیلهمن.»
سایرهنینگ بلکیم بیر موتری بولسه، لیکن آرزولری بویوک دیر که بو آرزولریگه یول آچیلگنی صورتده، عیاللردن کوپ قطارینینگ یولینی اوزگرتیریشی ممکن.
