فواید عامه وزیرلیگی سۉنگی بیر هفته ایچیده افغانستان تیمیر یوللری آرقهلی ۹۵ مینگ ۳۶۹ متریک تُن توار آلیش-بیریش بولگنینی معلوم قیلدی.
اوشبو وزیرلیک سۉزلاوچیسی محمداشرف حقشناس، ۳۰-سنبله، یکشنبه کونی ایکس صحیفهسیده بیر بیانیه ترقهتیب، سۉنگی بیر هفته ایچیده (۲۱-سنبله دن ۲۷-سنبلهگه قدر) مملکت تیمیر یوللری آرقهلی ۹۵ مینگ ۳۶۹ متریک تُن توار آلیش-بیریش بولگنینی یازگن.
بیانیه اساسیده، حیرتان بندری آرقهلی ۷۸ مینگ ۸۲۹ متریک تُن، آقینه بندری آرقهلی بیش مینگ ۴۵۸ تُن، تورغندی بندری آرقهلی ۱۲ مینگ ۷۰۷ تُن و خواف-هرات بندری آرقهلی توقیز مینگ ۳۷۵ تُن توار، آلیش-بیریش بولگن.
اوتگن بیر هفته ایچیده افغانستان تیمیر یوللری آرقهلی صادر قیلینگن ۷۳۷ تُن توارنینگ کوپ قسمینی گوریچ تشکیل بیرگنی ایتیلگن.
فواید عامه وزیرلیگیگه کوره، تیمیر یوللریدن صادرات و وارداتنینگ کوپهیگنی، کوپینچه ایش فرصتلری یرهتیلیشی، ملی درآمد کوپهیشی، اقتصادی برقرارلیک، رواجلنیش و خودکفالیک فرصتلری یرهتیلیشیگه سبب بولهدی.
