اوتگن بیر هفته‌ده افغان قیزیل آی جمعیتی «ملک سلمان» و «البصر» جمغرمه‌لری مالی حمایتی بیلن، کابل ده کوز کسللیکلری گه چلینگن سکیز مینگ‌دن آرتیق کیشی نینگ تیکین روشده دوالنیش زمینه‌سینی یره‌تگن که اولر ارا، کوزلری وضعیتی یامانراق بولگن ۸۰۰ ته‌سی نینگ کوزی عملیات بولگن.
شونده‌ی بیرحالده، کوزلری دوالنگن کیشیلردن قطاری نینگ ایتیشلریچه، کوزلری عملیات بولگنی‌دن کیین قیته کوریش قابلیتی نی قولگه کیلتیرگنلر.
بیزلرنینگ «ایکس» ترماغی ده هم تعقیب قیلینگ!
کابل نینگ بادام باغی‌ده افغان قیزیل آی جمعیتی کسل‌خانه‌سیده کوزی دوالنگن کابل شهری یشاوچیلریدن عبدالباری نینگ ایتیشیچه: «کوزیم گه پرده توشگنی‌دن بیر ییل بولگن ایدی؛ دولتی و خصوصی کسل‌خانه‌لر گه باریش اوچون وقتیم یوق ایدی، بو ییر گه برابر بولدی و حاضر کوزیم نینگ قیین‌چیلیگی حل بولگن.»
کابل یشاوچیلریدن باشقه بیری گل‌بهرام نینگ ایتیشیچه: «کوزیم گه پرده توشگن ایدی و بو ییرده عملیات قیلدیردیم و ساغه‌یدیم. عملیات‌دن کیین قوللنیب و ساغه‌لیشیمی اوچون شو قطره‌لرنی بیردیلر.»
افغان قیزیل آی جمعیتی مسئوللری، بوگون کوز نینگ تیکین روشده دوالنیش پروسه‌سی نینگ یکون‌لنیش برنامه‌سیده، ملک سلمان و البصر جمغرمه‌لری‌دن کابل ده کوز کسللیکلری گه چلینگنلر نینگ دوالنیشی اوچون ستندرد بیر کسل‌خانه قوریلیشینی ایسته‌گن.
افغان قیزیل آی جمعیتی دفتری اورین‌باسری غزیزالرحمان نینگ ایتیشیچه: «آی‌ده اولر تامانیدن کوز کسللیکلری گه چلینگنلردن بیر قطاری دوالنسه، بو یخشی نتیجه بیریشی ممکن، آسایشته‌لیک یره‌تیلیشی اوچون البصر و ملک سلمان نهادی‌دن کابل ده ستندرد بیر کسل‌خانه قوریلیشینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، البصر نهادی عمومی مدیری رضوان‌احمد بلوچ نینگ ایتیشیچه، کابل ده کوز کسللیکلری گه چلینگنلر نینگ دوالنیشی اوچون ستندرد کسل‌خانه قوریلیشی خصوصیده ساغلیق‌نی سقلش وزیرلیگی بیلن صحبتلر نینگ دوامی بار. اونینگ کوپه‌یتیریشیچه: «کابل ده ستندرد بیر کسل‌خانه نینگ قوریلیشی اوچون صحبتلر نینگ دوامی بار که ان‌شاءالله بو رقم افغانستان ده هم کوز کسللیکلری گه چلینگنلر نینگ دوالنیشی اوچون زمینه یره‌تیلسه.»
ملک سلمان و البصر جمغرمه‌لری، ۲۰۰۳-ییل‌دن حاضرگچه افغانستان ده کوز کسللیکلری گه چلینگن ۲۵ مینگ کسل گه تیکین روشده دوالنیش زمینه‌سینی یره‌تگن.
