حماس مطبوعات اداره‌سی، اسرائیل اردوسی نینگ غزه شمالی حدودلریده هوا هجومی عاقبتیده چمه‌سی ۷۳ کیشی قربان بولیب و باشقه اونلب کیشی یره‌لنگنینی معلوم قیلگن.
رویترز آژانسی گه کوره، اسرائیل اردوسی ۲۸-میزان، شنبه کونی غزه شمالی حدودلری «بیت لاهیه» شهرچه‌سیده نیچه یشش اوی و بیر بنانی هوا آرقه‌لی نشانگه آلگن.
بیزلرنینگ فیسبوک صحیفه‌میزگه باش اورینگ!
فلسطین ساغلیق‌نی سقلش وزیرلیگی، غزه شمالیده اسرائیل نینگ هوا هجومی طفیلی قربان بولگنلر آره‌سیده عیاللر و باله‌لر بارلیگینی اېتگن.
فلسطین ساغلیق‌نی سقلش وزیرلیگی رسمی‌لری گه کوره، کسلخانه‌لر دارو و طبی اوسکونه‌لر همده شفاکارلر آزلیگی بیلن روپه‌ره بولیب و کوپینچه پیت‌لر یره‌دارلر گه ایریشه آلمسلیک‌لری اوچون قربان بوله‌دیلر.
بیراق اسرائیل اردوسی، حماس مطبوعات اداره‌سی تامانیدن ترقه‌لگن معلومات نی ناتوغری دیب، بو رقم اولر نینگ تېکشیرولری گه ضد دیر.
بیزلرنینگ «ایکس» ترماغی ده هم تعقیب قیلینگ!
حماس و اسرائیل اۉرته‌سیده توقنشوولر باشلنگنیدن ۱۲ آی دن کوپ اوتماقده و اوشبو مدت ایچیده، غزه ده آتیش کېسین برقرار اېتیلیشی اوچون برچه سعی-حرکت‌لر نتیجه بیرمه‌گن.
فلسطین ساغلیق‌نی سقلش وزیرلیگی نینگ معلوماتی اساسیده، حماس و اسرائیل اورته‌سیده توقنشوولر باشلنگنیدن حاضرگچه، فلسطین‌لیک ۴۲ مینگ دن کوپراق کیشی قربان بولیب و باشقه ۹۹ مینگ ۶۳۷ کیشی یره‌لنگن.
