نوار غزه ده طبی منبعلرنینگ ایتیشلریچه، اوشبو منطقه بویلب اسرائیل اردوسینینگ کینگ کولملی هجوملری عاقبتیده، کمیده ۷۰ فلسطینلیک قربان بولیب و باشقه اونلب کیشی یرهلنگن.
الجزیره ترماغینینگ بوگون (۱۳-میزان، یکشنبه)، گزارش بیریشیچه، مذکور هجوملر، امریکا جمهور باشلیغی دونالد ترامپ اسرائیلدن غزهنینگ بمباردمان قیلمسلیگینی ایستهگنی بیرحالده، دوام قیلماقده.
بیزلرنینگ «ایکس» ترماغی ده هم تعقیب قیلینگ!
محلی رسمیلرنینگ ایتیشلریچه، یالغیز اوتگن کونی غزه شهریده اویوشتیریلگن هجوملرده، ۴۵ کیشی قربان بولگن. اسرائیل اردوسی، سونگی هفتهلرده بو منطقهده ییر عملیاتلرینی کوچهیتیریب و بیر میلیوندن آرتیق یشاوچینی نوار غزه جنوبیگه باریشگه مجبور قیلگن.
ترامپ اوتگن کون حماسدن، تیزلیک بیلن گروگه آلینگن اسرائیللیکلردن برچهسینینگ آزاد قیلیشی و تکلیف ایتیلگن تینچلیک ریجهسی حقیده مذاکرهلرنینگ یکونلنیشینی ایستهگن ایدی.
بیزلرنینگ فیسبوک صحیفهمیزگه باش اورینگ!
دونالد ترامپنینگ تینچلیک ریجهسی اساسیده، بیرینچی باسقیچ فلسطینلیک قریب ایکی مینگ محبوسنینگ آزاد بولیشی برابریده گروگه آلینگنلردن برچهسی –تیریک و اولگن- نینگ آزاد بولیشیدن عبارت دیر.
شونینگدیک حماس جنبشینینگ اعلام قیلیشیچه، غزه ده آتیش کیسین اوچون ترامپ ریجهسینینگ اَریم بولیملری بیلن کیلیشگن؛ لیکن اوشبو ریجهنینگ بیر قطار بولیملری کوپراق مذاکره بولیشگه نیازی بار.
