فلسطین ساغلیق‌نی سقلش وزیرلیگی، اسرائیل اردوسی‌نینگ غزه تورلی حدودلریده اویوشتیرگن هجوملری عاقبتیده چمه‌سی ۶۳ کیشی قربان بولیب و باشقه ۲۸۱ کیشی یره‌لنگنینی معلوم قیلگن.
مذکور وزیرلیک‌نینگ کوپه‌یتیریشیچه، بو کیشیلر اوتگن ۲۴ ساعت ایچیده اسرائیل اردوسی‌نینگ غزه تورلی حدودلری جمله‌دن دیرالبلاح‌ده اویوشتیرگن هجوملری عاقبتیده اولیب و یره‌لنگن.
بیزلرنینگ فیسبوک صحیفه‌میزگه باش اورینگ!
قطرده، حماس و اسرائیل اورته‌سیده آتیش کېسین برقرار اېتیلیشی و گروگه آلینگنلر قوییب یوباریلیشی اوچون خلق‌ارا واسطه‌چیلر سعی-حرکت قیلماقده اېکن، غزه‌ده بو هجوملر اویوشتیریلگن.
خلق‌ارا یېتکرمه‌لرنینگ معلوماتی اساسیده، قطر غزه‌ده آتیش کېسین برقرار اېتیلیش پیش‌نویس‌نی اسرائیل و حماس گه تاپشیرگن.
بیزلرنینگ «ایکس» ترماغی ده هم تعقیب قیلینگ!
حماس و اسرائیل اورته‌سیده توقنشوولر باشلنگنیدن ۱۵ آی‌دن کوپ اوتماقده و فلسطین ساغلیق‌نی سقلش وزیرلیگی‌نینگ معلوماتی اساسیده، اوشبو مدت ایچیده ۴۶ مینگ ۶۴۵ فلسطین‌لیک قربان بولیب و ۱۱۰ مینگ ۱۲ کیشی یره‌لنگن. غزه‌ده دوام اېتیب کېله‌یاتگن اوروش‌ده اسرائیل قریب ۷۰۰ عسکرینی قولدن بیرگن.
