خلق‌ارا ییتکرمه‌لر‌نینگ گزارش بیریشیچه، اسرائیل و حزب‌الله، لبنان ده آتیش کیسین برقرار ایتیلیشی‌گه کیلیشگنلر.
رویترز آژانسی‌نینگ گزارش بیریشیچه، اسرائیل و حزب‌الله‌آره‌سیده آتیش کیسین بوگون (چهارشنبه، ۷-قوس/۲۷-نوامبر)، ایرتنگ چاغی محلی وقت بیلن ساعت ۰۴:۰۰دن باشلنگن.
بیزلرنینگ فیسبوک صحیفه‌میزگه باش اورینگ!
اوشبو کیلیشوو امریکا و فرانسه‌نینگ واسطه‌چیلیگی‌ده قولگه کیلیب، اسرائیل و حزب‌الله آره‌سیده‌گی توقنشوولر یکون‌لنیشی گه یول آچه‌دی.
اسرائیل باش وزیری بنیامین نتانیاهو‌نینگ ایتیشیچه، حزب‌الله بیلن آتیش کیسین بو مملکت گه ایران تامان‌دن کیله‌یاتگن تهدید‌لرگه اعتبار قره‌تیش امکانیتی‌نی بیره‌دی.
اونینگ اورغولشیچه، حزب‌الله کیلیشوو‌دن بیر بولیمی‌نی نقض قیلگنی صورت‌ده، مملکتی جدی بیرشکلده جواب قیتریشی ممکن.
امریکا جمهور باشلیغی جو بایدن، اسرائیل کابینه‌سی آرقه‌لی آتیش کیسین ریجه‌سی تصدیق‌لنگنی‌دن کیین، اسرائیل و حزب‌الله آره‌سیده آتیش کیسین برقرار ایتیلیشی ایکی تامان آره‌سیده توقنشوولر‌نینگ یکون‌لنتیریشی ممکن دیگن.
بیزلرنینگ «ایکس» ترماغی ده هم تعقیب قیلینگ!
بایدن‌نینگ کوپه‌یتیریشیچه، مذکور کیلیشوو اساسیده اسرائیل، کوچلرینی کیله‌سی ۶۰ کون‌ده لبنان دن چیقره‌‌دی و شونینگدیک لبنان، اسرائیل بیلن بولگن چیگره یقینی‌ده کوچلرینی ییرلشتیره‌دی که، او ییرده حزب‌الله آست‌قورمه‌لری‌‌نینگ قیته قورمسلیگی‌دن ایشانچ قولگه کیلسه.
اسرائیل و حزب‌الله آره‌سیده توقنشوولر‌نینگ باشلنگنی‌دن قریب ۱۴ آی اوتگن و بو مدت‌ده، لبنان یشاوچیلریدن ۱۹مینگ‌دن آرتیغی اولیب و یره‌لنگن.
