کنر ده اولیمی زلزلهدن جبرلنگنلرنینگ دایمی باشپنه قوریلیشی توغریسیدهگی ایستهکلریدن کیین، اوشبو ولایت اوی-جای قوریش و شهرسازلیک ریاستی مسئوللری، ایکی تومنده زلزلهدن زیان کورگنلرگه اوی قوریلیش ایشی باشلنگنینی بیان قیلگنلر.
کنر اوی-جای قوریش و شهرسازلیک ایشلری بوییچه باشلیغی نبیالله طلحهنینگ ایتیشیچه، زلزلهدن جبرلنگنلرگه چوکی (څوکی) تومنینینگ دیوهگل درهسیده ۲۰ اوی و نورگل تومنی مزاردرهسیده ۳۰ اوینینگ قوریلیش ایشی باشلنگن. اونینگ کوپهیتیریشیچه: «بیرینچی آدیمده شهیدلر عایلهلری، کیین یرهلنگنلر و اوندن سونگ باشقه زیان کورگنلرگه اوی قوریلهدی. شاشلینچ یاردملر ییتکزیلگنیدن کیینگی اینگ اونملی باسقیچ، اساسی باشپنهلر قوریلیشی ایدی.»
طلحهنینگ ایشانچ بیریشیچه، جبرلنگنلرگه برچه امکانیت بیلن ستندرد اویلری قوریلهدی. «۱۰ دن آرتیق اعضاسی بولگن عایلهلرگه، آشخانه، حاجتخانه و باشقه امکانیتلر بیلن اوچ اتاقلی اوی؛ ۱۰ دن آز اعضاسی بولگن عایلهلرگه ایسه، اوشبو امکانیتلر بیلن ایکی اتاقلی اوی قوریلهدی.»
کنر اوی-جای قوریش و شهرسازلیک ایشلری بوییچه باشلیغیگه کوره، اوشبو ۵۰ ته اوینینگ قوریلیش ایشی ایکی آیگچه یکونلنهدی. «اهالیدن کوپ قطاری محللریده ییرلرینی بیللی قیلگنلر که اوشه جایده اوی قوریلهدی؛ لیکن ییرلری بولمهگن عایلهلرگه هم ننگرهار یا-ده کنر ده صاف ییرلرگه شهرچه قوریش توغریسیده برنامهمیز بار.»
کنر ده زلزلهدن جبرلنگنلرگه بو قطار باشپنهنینگ قوریلیشی، توقیز میلیون ۳۵ مینگ افغانی خرهجت کوتارهدی که بو خرهجت حکومت، یاردم بیرووچی نهادلر، سوداگرلر و مملکتلردن قطاری آرقهلی توللنهدی.
مذکور اویلر، کنر ده زلزلهدن جبرلنگنلر بوندن آلدین دایمی باشپنه گه قول تاپه آلمسلیکلریدن شکایت قیلگنی بیرحالده، قوریلهدی.
۹-سنبله، شرقی ولایتلردن قطاریده کوچلی زلزله یوز بیریب و اینگ کوپ کنر ولایتیگه جانی و مالی زیان ییتیشگنی ثبت بولگن. مذکور زلزلهده ۲ مینگ ۲۰۰ دن آرتیق کیشی اولیب، اوچ مینگ ۶۰۰ کیشی یرهلنگن و شونینگدیک قریب ۷ مینگ یشش اوی بوتونلی و قسمی شکلده ویران بولگن.
