فاریاب محلی مسوول‌لری نینگ ایتیش‌لریچه، طالبان تامانیدن اوق آتیلگنی و هاوان تشلنگنی سبب، ۴ کیشی هلاک و باشقه ۹ کیشی یره‌لنگن.
فاریاب پولیس قومندانلیگی سوزلاوچیسی عبدالکریم یورش نینگ ایتیشیچه، اوتگن “یکشنبه” کونی توشدن سونگ، اوشبو ولایت نینگ دولت‌آباد تومنیده چادر کییگن بیر طالب اهالی‌گه قرشی اوق آتگن.
جناب یورش گه کوره، بو واقعه‌ده بیر حربی و بیر تینچ اهالی هلاک و باشقه ۶ تینچ اهالی یره‌لنگن دیر.
فاریاب پولیس قومندانلیگی سوزلاوچیسی نینگ کوپه‌یتیریشیچه، اوشبو ولایت نینگ شیرین‌تگاب تومنیده طالبان تامانیدن آتیلگن هاوان نینگ مسکونی بیر اوی‌گه توشگنی سبب، عیاللر و باله‌لر شامل ۲ کیشی هلاک و باشقه ۳ کیشی یره‌لنگن.
طالبان گروهی حاضرگه‌قدر بوتوغریده فکر بیلدیرمه‌گن.
