سلاموطندار، اوشبو گزارشده ۱۵ قیز و ۱۵ ییگیت شامل ۳۰ یاش بیلن صحبت قیلگن. بو یاشلرنینگ ۲۸ نفری، یاشلر اوچون حمایتی، ظرفیتنی آشیریش و اوقیش برنامهلر کمهیگن و اولر حاضرگه قدر حمایتی برنامهلردن فایدهلنمهگنلرینی اېتگنلر. یاشلرنی حمایت قیلهدیگن نهادلردن کوپینچهسی فعالیتلرینی کمهیتیریب یا-ده توختهتگنینی معلوم قیلگن، گزارشده صحبت قیلگن اوشبو یاشلر.
حقوق فاکولتهسینی اوقیب بیتّیرگن بلخلیک احمدباسط گه کوره، جمهوریت توزومی قولهشیدن کېین حمایتی هېچ بیر برنامهدن فایدهلنگنی یوق. اونینگ کوپهیتیریشیچه: «نظام اوزگرگنیدن کېین یاشلرنی حمایت قیلهدیگن هېچ بیر نهادنینگ اوقیش برنامهلریدن خبریم یوق و اشتراک ایتگنیم هم یوق. نظام اوزگرگنیدن کېین بیرقطار نهادلر فعالیتلرینی توختهتگن بو ایش کوپینچه برنامهلر گه تأثیر قویگن.»
بدخشانلیک ۲۲ یاشر احمدزبیر، حاضرگه قدر یاشلرنی حمایت قیلهدیگن هېچ بیر برنامهده اشتراک اېتمهگن و بو گَل برنامهلر کمهیگنیدن شکایت قیلهدی. اونگه کوره: «اوقیش برنامهلر جمهوریت توزومی گه نسبتن کمهیگن؛ اسلام امیرلیگی قدرت نی آلگنیدن بیری نظامده بیر تور اوزگریشلر کېلگن و بو ساحهده فعالیتی بولگنلر هم مملکتنی ترک اېتگنلر.»
کابل یشاوچیسی ۲۶ یاشر شهنازنینگ ایتیشیچه، حکومت یاشلرنی قۉللب-قوتلش اوچون حمایتی برنامهلرنی اوتکزیشی کېرهک. «یاشلر جمهوریت توزومی گه نسبتن حاضر حمایتی برنامهلر گه کوپراق احتیاجلری بار؛ کوپینچه یاشلر بیکار بولگن؛ اوقووچیلر و طلبهلر ایشسیز؛ حمایتی برنامهلر کوپهیتیریلیشی درکار.»
غزنی یشاوچیسی ۲۸ یاشر لیدا گه کوره: «یاشلرنینگ قۉللب-قوتلنیش گه احتیاجلری بار؛ اولرنینگ ترقیاتی اوچون تورلی برنامهلر اوتکزیلیشی کېرهک؛ حکومت و نهادلر تامانیدن یاشلرنینگ ترقیاتی اوچون امکانیت یرهتیلیشینی اېستهیمیز.»
بیزلرنینگ فیسبوک صحیفهمیزگه باش اورینگ!
یاشلر حمایت بولمسلیگی و اولر اوچون یخشی برنامهلر اوتکزیلمسلیگی طفیلی، یاشلرنینگ کوپینچهسی مملکتنی ترک اېتیش گه مجبور بولگنلرینی معلوم قیلهدی، گزارشده صحبت قیلگن یاشلر.
پروانلیک احمدمیلادنینگ ایتیشیچه: «یاشلر نان تاپیش اوچون ایران، تورکیه، جرمنی و اروپا باشقه مملکتلری گه مهاجر بولگنلر؛ مینگلب قیینچیلیک و اولیمنی قبول قیلیشگن؛ بو احوال حمایتی برنامهلر یوقلیگی اوچون دیر.»
کابل یشاوچیسی شکیلا گه کوره: «کوپینچه یاشلر بورسیه آرقهلی مملکتنی ترک اېتیش گه اورینماقده هم اوقیب و هم ایش تاپیش اوچون.»
اوشبو گزارشده صحبت قیلگن ۳۰ یاشدن، اولرنینگ ایکّی نفری سرپرست حکومت و خصوصی نهادلر تامانیدن حمایتی و اوقیش برنامهلرده اشتراک اېتگنلرینی معلوم قیلگنلر.
بیزلرنینگ «ایکس» ترماغی ده هم تعقیب قیلینگ!
انجنیرلیک فاکولتهسینی اوقیب بیتّیرگن پروان یشاوچیسی ۲۵ یاشر محمدانیس، سۉنگی اوچ ییلده بیر قنچه حمایتی برنامهلرده اشتراک اېتگنینی اېتهدی. اونینگ کوپهیتیریشیچه: «معلومات و مدنیت ریاستی تامانیدن انگلیسچه تیل، ریاضیات، کمپیوتر برنامهلری و یاشلر گه دستلبکی یاردملرنی اورگهنیش بیر آیلیک برنامهده اشتراک اېتدیم.»
هراتلیک ۲۵ یاشر سوسن نوری، تیل و ادبیات بولیمیدن لسانس درجهسیده مدرکی بار ایتیشیچه: «بعضی سمینارلرده اشتراک اېتدیم و ایشانچلی سرتفیکیت آلگن من؛ یاشلرنینگ ظرفیتینی آشیریش بولیمیده ایشلهیدیگن نهادلر کمهیگن؛ چونکه توزوم اوزگرگنیدن سۉنگ کوپینچه نهادلرنی یاپدیلر.»
بیرقطار نهادلر یاشلر اوچون حمایتی برنامهلری و باشقه بیرقطاری بوتوغریده فعالیتلری کمهیگنیدن خبر بیرگن بیرحالده، بو گزارشده صحبت قیلگن یاشلر حمایتی برنامهلر یوقلیگیدن نالیگن.
«افغانستان یاشلر بیردملیک محوری»، افغانستان اقتصاد و حقوق مطالعهلر موسسهسی/اینسو» تشکیلاتی، «کابل بیلیم یورتی روحی مصلحت بیریش بوییچه مرکزی» و «میدیوتیک تشکیلاتی» یاشلر گه حمایتی برنامهلری بولگن، نهادلردن سنلهدی.
اینسو موسسهسی باشلیغی حنیف فرزام گه کوره، بو نهاد اوتگن اوچ ییلده یاشلر گه حمایتی برنامهلریگه دوام بیرگن. اونینگ ایتیشیچه: «کابل و ولایتلرده سمینارلر، کنفرانسلر و علمی ییغیلیشلرنی اوتکزدیک؛ افغانستانده ایش خلاقیتی ساحهسیده یاشلر گه اوچ بولیمده حمایتی فرصتلرنی یرهتدیک.»
افغانستان یاشلر بیردملیک محوری تشکیلاتینینگ اساسچیسی زمانالدین حکیمی گه کوره: «آنلاین و حضوری شکلده علمی سیمنارلرنی اوتکزیش، یازووچیلر، شاعرلر و تورلی ساحهلرده فعال ییگیتلرنینگ مقالهلرنی نشر قیلیش، قیزلر گه آنلاین مکتب ایجاد اېتیش که بیر مینگ ۲۰۰ کیشی اشتراک اېتگندی، بو نهادنینگ یوتوقلریدن سنلهدی.»
کابل بیلیم یورتی روحی مصلحت بیریش بوییچه مرکز روانشناسی شفیقالله انصار، ایکّی ییلدن بیری روحی مصلحت بیریش بولیمیده فعالیت قیلماقده ایتیشیچه: «طلبهلرنینگ اوقیش ترقیاتی و اولرنینگ تابآلکیلیش درجهسینی آشیریش بولیمیده برنامهمیز بار؛ برنامهمیز بهار و کوز سمسترلریده دیر؛ برنامهلریمیز یکه، گروهی برنامهلر، ظرفیتنی آشیریش و انگیزهبیریش سمینارلردن عبارت دیر.»
افغانستان یاشلر بیردملیک محوری تشکیلاتی، افغانستان اقتصاد و حقوق مطالعهلر موسسهسی و کابل بیلیم یورتی روحی مصلحت بیریش بوییچه مرکزی، سۉنگی ایکّی ییلده تورلی ساحهده ۱۱ مینگ ۲۰۰ یاشنی قۉللب-قوتلهگنلرینی اېتگنلر.
افغانستانده میدیوتیک تشکیلات باشلیغی احمدولی احمدینینگ ایتیشیچه، بو تشکیلاتی ۳۰ ییلدن بیری انسان سیورلیک یاردم کورسهتیش، کارآموزلیک، تحصیل و تجارت بولیمیده یاشلردن مالی حمایت قیلیش ساحهلریده یاشلر اوچون ایشلهماقده.
مدنی جماعهچیلیک همفکر ائتلاف باشلیغی لعلمحمد حدید گه کوره، جمهوریت توزومی قولهشیدن سۉنگ، حمایتی برنامهلر بولیمیدهگی فعالیتلری کمهیگن یا-ده توختهگن. «یاشلر افاده (فن بیان)، بورسیه کبی حقوقلریدن فایدهلنیش اوچون کوپ سعی-حرکت قیلدیک؛ حاضر فعالیتیمیز جوده محدود دیر و رخصت بیریشمهیدی.»
افغانستان ملَکهلی یاشلر اجتماعی و مدنی تشکیلات اساسیچیسی و باشلیغی محمدرامین شفیعزاده گه کوره: «تورلی بیلیم یورتلر بیلن اقتصادی توانالیگی ضعیف بولگن یاشلرنی تانیشتیریش اوچون، شرطنامه امضالهدیک؛ تېکین طرزده فنبیان و مدیریت کورسلرینی اوتکزردیک و یاشلر گه تعلیم و آگاهیلیک بیرردیک؛ اوزگریشدن آلتی آی اوتگچ فعالیتیمیز توختهدی.»
برچهسی بیلن، سرپرست حکومت ایش و اجتماعی ایشلر وزیرلیگی سۉزلاوچیسی سمیعالله ابراهیمی گه کوره، بو وزیرلیک اوتگن ییلده ۷۴ کیشی جملهدن یاشلر گه تخنیک و حرفه بولیمیده ایش امکانیتینی یرهتگن. اونینگ کوپهیتیریشیچه: «ایش و اجتماعی ایشلر وزیرلیگینینگ فن و حرفه مرکزلریده حاضر چمهسی ۱۰۰۰ یاش مسلک اورگهنیش بیلن مصروف دیر؛ خصوصی یا-ده دولت ادارهلریده یاشلر گه ایش امکانیتلرینی یرهتیش اوچون سعی-حرکت قیلهیپمیز.»
سرپرست حکومت معلومات و مدنیت وزیرلیگی سۉزلاوچیسی خبیب غفران گه کوره، یاشلر معینیتی یاشلرنینگ ظرفیتینی آشیریش اوچون تورلی برنامهلرنی اوتکزیب و اوندن مینگلب یاش فایدهلنگن. «تعلیم و ظرفیتنی آشیریش برنامهلریدن افغانستان مقیاسیده مینگلب یاش فایدهلنگن و حاضر تعلیم، ظرفیتنی آشیریش برنامهلر که اولرنی ایش تاپیش گه ترغیب قیلیشی ممکن، نظر گه آلگنمیز.»
احصائیه و معلومات ملی ادارهسینینگ معلوماتی اساسیده، قویاش ۱۴۰۳-ییلده، ۶.۵ میلیون کیشی ۱۸ دن ۳۵ یاشر بولگنلر. ییتّی نادولتی نهاد، ایش و اجتماعی ایشلر وزیرلیگی همده معلومات و مدنیت وزیرلیگی بیلن اوتکزیلگن صحبت اساسیده، سۉنگی اوچ ییلده قریب ۱۰۰ مینگ یاش، حمایتی و ظرفیتنی آشیریش برنامهلردن فایدهلنگن.
