دوشنبه کونی، ۱۸ ثور، اسلام امیرلیگی، چین و پاکستان تشقی ایشلر وزیرلری نینگ اوچ تامانلمه ییغیلیشی یکونیده ترقهلگن بیانیه ده کیلیشیچه، اوشبو ییغیلیش ده «سیپک» آتیده چین_پاکستان اقتصادی دهلیزی گه افغانستان نینگ قوشیلیشی بحث گه آلینگن.
تخار ولایتی محلی مسئوللری، اوشبو ولایت ده یوز بیرگن ترافیکی حادثه عاقبتیده بیر باله هلاک بولگنیدن خبر بیرهدیلر.
بوگون (سهشنبه، ۱۹ ثور) هرات شهری ده «یاران مهربان» آتیده تورت کونلیک کتاب کورگزمهسی آچیلگن. اوشبو کورگزمه مسئولی عبدالله مومنی گه کوره، ادبیات، روانشناسلیک، تاریخ و دینی علوم ساحهلریده مینگلب عنوان کتاب، کتاب هفتهسی مناسبتی بیلن کورگزمه گه قوییلگن.
عیال حقوقی فعاللریدن بیرقطاری، مملکت تشقی ایشلر وزیرلیگی نینگ سرپرستی امیرخان متقی نینگ آلتینچی صنف دن یوقاری قیز اوقووچیلر یوزی گه مکتبلر آچیلیشی گه دایر بیاناتی گه مناسبت بیلدیریب ایتیشلریچه، اسلام امیرلیگی منطقهوی ییغیلیشلرده اوشبو سوزلری بیلن دنیا همجمعیت تامانیدن تن آلینیشی مقصدیده سعیوحرکت قیلماقده و آلتینچی صنف دن یوقاری قیز اوقووچیلر یوزی گه مکتبلر آچیلیشی ممکنسیز دیر.
اسلام امیرلیگی ایچکی ایشلر وزیرلیگی نینگ ترافیک پولیسی، بوگون (سهشنبه، ۱۹ ثور) حکومت نینگ اطلاعات و میدیالر مرکزی ده یولگه قوییلگن برنامه ده، شهر تکسیلری نینگ ینگی رنگینی نمایش قیلدی.
جوزجان مرکزی شبرغان شهری یشاوچیلریدن بیرقطاری نینگ ایتیشلریچه، اوشبو ولایت ده نادر قوشلر آولهنیب و پاکستان گه قاچاق بولیشی باعث، «باز» و «باشه» کبی قوشلر نسلی یوق بولماق ده دیر. جوزجان یشاوچیلری، باغلیق ادارهلردن اوشبو قوشلر آولهنیشی و قاچاقی آلدی آلینیشینی سورهیدیلر.
اوزبیکستان میدیالری نینگ معلوماتی اساسیده، مذکور مملکت جمهور باشلیغی شوکت میرضیایف، اوشبو میلادی ییل نینگ جولای آیی ده جمهورلیک ریاستی سیلاوی تیزلیک بیلن اوتکزیلیشینی سورهگن.
