اوتگن جمعه کیچه‌سی کابل شهری نینگ دهمزنگ منطقه‌سیده کوچلی پارتلش سیسی ایشیتیلدی. بیراق اوشبو پارتلش قنده‌ی‌لیگی و تلفاتی حقیده حاضرگه قدر ایریم گزارش‌لر ترقه‌لگن. افغانستان انترنشنل قولیده‌گی حجت و منبع‌لردن نقل قیلیب یازیشیچه، امریکا نینگ اوچووچی‌سیز اوچاقی کابل شهری نینگ دهمزنگ منطقه‌سیده القاعده نینگ بیر اعضاسی و اسلامی امارت نینگ ۴ عسکرینی نشانگه آلیب اولدیرگن.
افغانستان انترنشنل گزارشیده کیلیشیچه، مذکور هجوم دن مقصد القاعده نینگ مهم اعضاسی ابوحسن مجاهد بولگن که اونگه علاوه اسلامی امارت نینگ سیدمحمد مبارز، جهادالله فراهی، هجرت قریشی و ابوعمر لوگری اسم‌لریده عسکری هلاک ایتیلگن.
بیزلرنینگ فیسبوک صحیفه‌میزگه باش اورینگ!
شو بیلن بیرگه، سلاموطندار بیلن صحبت اوتکزگن اسلامی امارت سرپرست حکومتی سوزلاوچیسی نینگ اورین باسرلریدن بلال کریمی، اوشبو منطقه ده سرشانه‌ای راکت اوقی اصابت قیلگنیدن خبر بیره‌دی.
اسلامی امارت سرپرست حکومتی سوزلاوچیسی نینگ اورین باسری گه کوره، واقعه دن آز وقت اوتگچ، عامللری قولگه آلینگن. بیراق جناب کریمی، قولگه آلینگن کیشی‌لر نینگ کیم‌لیگی باره‌سیده هیچ نرسه دیمه‌یدی. اونینگ ایتیشیچه: «سرشانه‌ای بیر راکت آتیلگن ایدی که عاملی تیزلیک بیلن قولگه آلیندی و هیچ کیمگه مالی و جانی زیان ییتگن یوق ایدی.»
عین‌حالده، سونگی کونلرده افغانستان فضاسیده اوچووچی‌سیز اوچاق‌لر کوپ اوچماقده دیر.
اوتگن بیر ییل ده افغانستان ده چمه‌سی ۵ هوایی هجوم اویوشتیریلیشیدن خبر بیریلگن، بیراق امریکا اوتگن بیر ییل ده افغانستان ده یالغیز ایکی هوایی هجوم اویوشتیرگنینی تصدیقله‌گن.
اسلامی امارت سرپرست حکومتی، اوچووچی‌سیز اوچاق‌لر اوچیشی دوامیدن تنقید ایتسه ده، لیکن هردایم افغانستان دن باشقه مملکت‌لر گه قرشی هجوم بولمسلیگینی ایتگن.
بیزلرنینگ توییترده هم تعقیب قیلینگ!
بوتوغریده حربی ایش بیلرمان اسدالله ندیم نینگ ایتیشیچه: «اسلامی امارت هیچ نرسه‌نی دفع قیله آلمه‌یدی، امریکا زمانه‌وی پهبادلرگه ایگه دیر، منطقه مملکت‌لردن جهاز وارد قیلسه‌لر هم اولر گه توسیق بوله آلمه‌یدی، شونی اوچون اسلامی امارت بوتوغریده فکر قیلیش‌لری کیره‌ک.»
شو بیلن بیرگه، امریکا قوشمه ایالت‌لری نینگ استخبارات سابق باشلیغی لیون پنیتا، افغانستان ده عصیانچی گروه‌لر گه قرشی کوره‌شیش اوستیگه تأکید ایتگن.
بوندن آلدین، امریکا رسمی‌لری افغانستان ده عصیانچی گروه‌لرنی نشانگه آلیش‌لرینی بیلدیرگنلر.
