هرات ده توغروق بولیمی شفاکارلریدن قطاری نینگ سلام‌وطندار گه ایتیشلریچه، اوشبو ولایت قیشلاق عیاللری و قیزلری آره‌سیده «تخمدان کیستی» کسللیگی سیزیلرلی درجه‌‌ده کوپه‌یگن.
اولر گه کوره، حیض کوریش پیتده طبی قاعده‌لرنی رعایت قیلمسلیک، معلومات‌سیزلیک و حیض کوریش پیتده طبی امکانیت‌دن فایده‌لنه آلمسلیک سبب، هرات ده تخمدان کیستی گه چلینگنلردن ۷۵ فایزی نی قیشلاق عیاللری و قیزلری تشکیل بیره‌دی.
هرات نینگ انجیل تومنی‌ده‌گی شفاکارلردن منصوره علی‌زاده نینگ ایتیشیچه، قیشلاق عیاللری و قیزلری حیض کوریش پیتده طبی امکانیت‌دن قورقیب و فایده‌لنمه‌یدیلر؛ انه شوو سبب قیشلاقلرده تخمدان کیستی کسللیگی گه چلینگنلر سانی کوپه‌یگن دیر.
اونینگ کوپه‌یتیریشیچه: «قیشلاقلرده، حیض کوریش پیتده طبی امکانیت‌دن فایده‌لنمه‌یدیلر. قیزلردن قطاری بکارت پرده‌‌لری خراب بولمسلیگی یا-ده رحم‌لری مکروبی بولمسلیگی اوچون قورقه‌دیلر. شهرده حیات کیچیره‌دیگنلر گه قره‌گنده قیشلاق‌ده‌گی قیزلر آره‌سیده تخمدان کیستی ۷۵ فایز کوپ دیر.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، انجیل تومنی‌ده‌گی شفاکارلردن باشقه بیری لایقه رحیمی نینگ ایتیشیچه، اهالی آره‌سیده اقتصادی قیین‌چیلیک، نظافت خصوصیده معلومات‌سیزلیک و ساغلیق خذمتلر و حیض کوریش پیتیده طبی امکانیت‌دن فایده‌لنه آلمسلیک، هرات ده قیشلاق عیاللری و قیزلری آره‌سیده تخمدان کیستی کوپه‌یگنی اصلی سبب‌لریدن دیر. اونگه کوره، ساغلیق خذمتلردن عیاللر نینگ فایده‌لنیشی و معلوماتلری کوپه‌یشی اوچون مسئول نهاد‌لر و حکومت آرقه‌لی توجه بولینیشی کیره‌ک.
اونینگ کوپه‌یتیریشیچه: «بو توغریده دولت آگاهی‌لیک بیریش اوچون سیمینار هم یولگه قویه آله‌دی و هم بودجه اختصاص بیره آله‌دی که بو رقم اهالی اینیقسه قیزلر گه یاردم بیره‌دی. قیزلر نینگ هیچ درآمدی هم یوق دیر؛ هیچ نرسه گه قول تاپه آلمه‌یدیلر. انه شوو سبب دولت بیران بودجه اختصاص بیرسه که قیزلر حیض کوریش پیتده طبی امکانیت‌دن فایده‌لنسه‌لر. شو رقم قیشلاقلر اهالی‌سی نینگ ناتوغری اعتقادلری سبب قیزلر کوپ زیان کوره‌دی.»
شونده‌ی بیرحالده، هرات ده قیشلاق عیاللریدن قطاری نینگ سلام‌وطندار گه ایتیشلریچه، عایله‌لر نینگ اعتقادلری اساسیده حیض کوریش پیتده طبی امکانیت‌دن فایده‌لنیش منع دیر. اولرگه کوره، هرات ده قیشلاق یشاوچیلری آره‌سیده حیض کوریش پیتده طبی امکانیت‌دن قوللنیش عیاللر اینیقسه قیزلر رحمی گه زیان ییتیشتیره‌دی.
انجیل تومنی قیشلاق یشاوچیلریدن لیلا نینگ ایتیشیچه: «حاضرگچه قوللنگنیمیز یوق و تانیمه‌یمیز؛ قیزلریمیز هم قوللنمه‌یدی. قوللنگنلری صورت‌‌ده، قیین‌چیلیک بیلن روپه‌ره بوله‌دیلر و قیزلریمیز گه قوللنمسلیکلری نی ایته‌میز.»
بیزلرنینگ فیسبوک صحیفه‌میزگه باش اورینگ!
شونینگدیک انجیل تومنی قیشلاق یشاوچیلریدن باشقه بیری مریم نینگ ایتیشیچه: «حاضرگچه مین اوزیم قوللنگنیم یوق، قورقه‌من. بو ییرده قابله‌لر قوللنینگ دیه‌دیلر؛ بیراق قورقه‌میز. بو ییرده قیزلردن کوپ قطاری قوللنمه‌یدی. بو نرسه‌لر باشقه مملکت‌لردن کیله‌دی، هر نرسه‌سی بولیشی امکانی بار.»
عین حالده، هرات ساغلیق‌نی سقلش ریاستی مسئوللری اوشبو ولایت قیشلاق عیاللری آره‌سیده تخمدان کیستی کسلیگی کوپه‌یگنی نی تصدیق‌لب ایتیشلریچه، هر بیر قیشلاق‌ده‌گی ساغلیق مرکزلر گه آگاهی‌لیک برنامه‌لری نی ترقه‌تیش بیلن عیاللر گه مخصوص کسل‌لیکلر نی کنترول و اونینگ کوپه‌یشی آلدی آلینیشی اوچون سعی‌وحرکت قیلماقده‌لر.
هرات ساغلیق نی سقلش ریاستی اورین‌باسری غلام‌محمد حنیفی نینگ سلام‌وطندار گه ایتیشیچه: «نظافت، آوقتلنیش، پاک‌لیک، واکسین خذمت‌لری و بو رقم نرسه‌لر خصوصیده ساغلیق تعلیم بیریله‌دی. ساغلیق تعلیملری بیریلگنی یانیده حتا کلینیکلردن بیر قطاری‌ده LD تلویزیون‌لریمیز بار که ساغلیق پیام‌لر ترقه‌له‌دی. سینگیللریمیز و ایناغه‌لریمیز گه نطافت و کسل‌لیکلر آلدی آلینیشی اوچون معلومات بیریله‌دی.»
هرات ده قیشلاق عیاللری طبی خذمتلردن مکمل شکلده فایده‌لنه آلمسلیکلری بیرحالده، اولردن ۷۵ فایزی تخمدان کیست کسللیگی گه چلینگن دیر.
