افغانستان و پاکستان قوشمه چیگره قتناو یوللریدن وقتینچه‌لیک حجتلر بیلن تجارتی موترلر نینگ اوتیب-قیتیشی‌دن قریب بیر هفته اوتگنی بیلن، حاضر افغانستان سوداگرلیک و سرمایه یاتقیزیش اتاقی مسئوللری نینگ ایتیشلریچه، بو یوللردن تجارتی کامیونلر نینگ اوتیب-قیتیشی کوپه‌یگن.
مذکور اتاق اورین‌باسری خان‌جان الکوزی نینگ سلام‌وطندار گه ایتیشیچه، هیداوچیلر گه وقتینچه‌لیک اوتیب-قیتیش حجتی ترقه‌لمسدن آلدین، کوپینچه پیت کامیونلر پاکستان آرقه‌لی هیداوچیلر نینگ ویزاسیز و پاسپورت‌سیز بولگنلری سبب توخته‌تیله‌ر ایدی؛ لیکن حاضر ایکی مملکت آره‌سیده هر کونی ۱۰۰۰دن آرتیق کامیون اوتیب-قیته‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اولر گه بیر ییل‌گچه اوتیب-قیتیش اوچون فرم و حجت بیریله‌دی؛ بو ایش ینگی‌لیکده باشلنگن؛ موترلر سانی کوپ و زمان آله‌دی. آلمه‌گن کیشیلر گه هم ۱۵ کون وقت بیریلگن. کونده بیر طرف‌دن ۳۵۰-۴۰۰ موتریمیز بار و تورخم دن ۸۰۰-۱۰۰۰ و دندپتان و غلام‌خان دن ۱۵۰-۲۰۰ موتر باریب-کیله‌دی. بو فرم نینگ کوپراق ساده بولیشی‌گه امیدوارمیز که باریب-کیلیش‌ده کوپراق آسایشته‌لیک یره‌تسه و بیر سیستم توزه‌لسه که موترلر مکمل اونده ثبت بولسه.»
خان‌جان الکوزی نینگ اورغولشیچه، حاضرگچه افغانستان‌لیک کامیون ایگه‌لریدن ۵ فایزی وقتینچه‌لیک اوتیب-قیتیش حجتلرینی آلگنلر و بو پروسه نینگ دوامی بار.
افغانستان سوداگرلیک و سرمایه یاتقیزیش اتاقی باش اورین‌باسری محمدیونس مومند نینگ ایتیشیچه، حاضر پاکستان بیلن افغانستان سوداسی یا ایکی مملکت قوشمه قتناو یوللری آرقه‌لی ترانزیت، آلدین‌دن هم کوپراق بولگن.
اونینگ کوپه‌یتیریشیچه: «افغانستان بیلن پاکستان آره‌سیده سودا کوپه‌یگن. کونده صادراتی‌میز کوپ دیر؛ ۵۰۰دن آرتیق موتر صادراتی‌میز بار، هر موتر ۳۰-۳۴ تُن توار نی صادر قیله‌دی.»
باشقه بیر تاماندن، افغانستان و پاکستان سوداگرلیک قوشمه اتاق مسئولی نقیب‌الله صافی، صادرات کوپه‌یگنی توغریسیده باریب-کیلیش اوچون وقتینچه‌لیک حجت ترقه‌لگنی ایجابی تاثیرلریدن خورسند‌لیک قیلیب و ایتیشیچه، بو اقدام افغانستان نینگ تازه میوه‌لری ییغیلیش موسومی‌ده، کوپراق فایده‌لی بولیشی ممکن.
اونینگ کوپه‌یتیریشیچه: «ترانسپورتی قیین‌چیلیکلر تجارت خصوصیده کوپ سلبی اثر قویه‌ر ایدی؛ تورخم ایکی-اوچ مرته ویزا اوچون یاپیلدی؛ توارلر ایکی تاماندن قالدی. وقتینچه‌لیک بو سند یخشی بیر ایش دیر؛ سوداگرلر چیکلاولردن قوتیلدیلر؛ بو حجت توغریسیده موتریمیز هر شهر گه باره آله‌دی؛ ترانسپورتی‌میز دنیا بویلب ستندرد بوله‌دی.»
بیزلرنینگ «ایکس» ترماغی ده هم تعقیب قیلینگ!
قریب بیر آی آلدین پاکستان حکومتی افغانستان‌لیک هیداوچیلردن بو ملمکت قتناو یوللریدن اوتیب-قیتیش اوچون ویزا و پاسپورت ارائه قیلینیشی نی ایسته‌گن ایدی؛ لیکن نیچه مدت آلدین ایکی مملکت سوداگرلیک وزیرلیکلری هماهنگ‌لیگی‌ده ایکی مملکت آره‌سیده تجارتی کامیونلر نینگ اوتیب-قیتیش طرحی قویاش جاری ییل یکونی‌گچه وقتینچه‌لیک حجت بیلن کیلیشیب آلینگن.
ایتیش کیره‌ک که، جاری میلادی ییل ایکی آیی‌ده پاکستان وقتینچه‌لیک حجت بیلن یوک تاشووچی موترلر نینگ اوتیب-قیتیش طرحی نی باشله‌دی.
