کابل نینگ شمالی قسمیده جایلشگن پنجشیر ولایتی تاغلی جغرافیه‌سی باعث اریچیلیک صناعتی‌گه ماس منطقه‌لر جمله‌سیدن سنله‌دی. پنجشیر ده اری‌چیلردن قطاری نینگ ایتیشلریچه، سیاسی اوزگریشلردن کیین، اری‌لری نینگ اویه‌لرینی باشقه منطقه‌لر گه انتقال بیره آلمه‌گنلر و بو مسئله عسل ییتیشتیریلیشی خصوصیده سلبی تاثیر قویگن.
اولر گه کوره، نوزما کسللیگی ترقه‌لگنی و اوزگه اری‌لر نینگ هجومی، عسل تولیدی کمه‌یشی گه سبب بولگن باشقه عامل‌لردن دیر و بو مسئله‌لر اولر گه کوپینچه زیان ییتیشتیرگن.
بیزلرنینگ فیسبوک صحیفه‌میزگه باش اورینگ!
۳۰ ییل‌دن بیری اریچیلیک قیله‌دیگن پنجشیر ولایتی آبشار تومنی نینگ «باباعلی» قیشلاغی یشاوچیلریدن عبدالرحیم نینگ ایتیشیچه، قریب ۵۰۰ اری صندیغی بار ایکن؛ بیراق کنه کسللیگی، اوزگه اری‌لر هجومی و اری‌لر اویه‌لری نینگ بیر ییردن باشقه بیر ییرگه انتقال بیریلمه‌گنی سبب، ۴۰۰دن آرتیق اری صندیغی اورته‌دن کیتیب و نتیجه‌ده، قریب ۱.۵ میلیون افغانی زیان کورگن.
عبدالرحیم نینگ سلام‌وطندار گه ایتیشیچه، حاضرگچه هیچ بیر نهاد آرقه‌لی دارو و فنی مصلحتلر خصوصیده یاردم بیریلمه‌گن. اوشبو اریچی حکومت‌دن اونگه یاردم بیریلیشی نی ایسته‌گن.
اونینگ کوپه‌یتیریشیچه: «۵۰۰ اری صندیغیم بار ایدی، قریب ۴۰۰ صندیق اورته‌دن کیتدی.باشقه بیر تامان‌دن اری‌لر نینگ بیر ییردن باشقه بیر ییر گه انتقال بیریلمسه، کنه اوره‌دی. اری‌لری‌میز تلف بولیب و ۱.۵ میلیون افغانی زیان کورگن‌میز، ایکینچیلیک ریاستی‌دن بیزلر گه یاردم بیریلیشی نی ایسته‌یمیز.»
شونینگدیک پنجشیر ده اری‌چیلردن باشقه بیری گل‌محمد، حکومت‌دن اری‌چیلر گه فنی مصلحتلر بیریلیشی و بازار گه تقلبی عسل‌لر وارد بولینیشی نینگ آلدی آلینیشی نی ایسته‌یدی.
شونده‌ی بیرحالده، اریچیلیک بوییچه ایش بیلرمانی محمد‌الله راسخ نینگ ایتیشیچه، نوزما کسللیگی عسل ییتیشتیریلیشی نینگ کمه‌یشی گه سبب بوله‌دی و بو کسل‌لیک آلدی آلینیشی اوچون فوماژیلین داروسیدن قوللنیش گه نیاز دیر. جناب راسخ نینگ کوپه‌یتیریشیچه، پلیت‌لر صندیق ایچیده قاره بولگنی پیتده، صندیق‌دن چیقریلیشی کیره‌ک.
باشقه بیر تامان‌دن، عسل ساتیب آله‌دیگنلر بازارده تقلبی و صفتی قویی عسل‌دن شکایت قیله‌دیلر. وطنی عسل ساتیب آله‌دیگنلردن بلقیس نینگ ایتیشیچه، بازارده تقلبی عسل کوپه‌یگن و حکومت و اری‌چیلردن وطنی عسل نی ستندرد قیلیب، بازار گه تقلبی عسل وارد بولینیشی آلدی آلینیش نی ایسته‌گن.
اونینگ کوپه‌یتیریشیچه: «بازارده اصلا خالص عسل یوق. اون رقم عسل نی مشتری گه کورسته‌دیلر، هیچ بیری اصلی یا-ده وطنی عسل ایمس. پاکستان و ایران دن وارد بوله‌دیگن عسل هم تقلبی دیر. تقلبی عسل وارد بولینیشی نینگ آلدی آلینیشی کیره‌ک. اوشبو اری‌چیلر هم درست شکلده عسل عرضه قیلمه‌یدیلر.»
بولر گه علاوه، پنجشیر ایکینچیلیک، سووغاریش و چاروه‌چیلیک ریاستی رئیسی فضل‌الله دیوبندی نینگ سلام‌وطندار گه ایتیشیچه، اوشبو ولایت‌ده قریب ۸۵۰ اری اویه‌سی بار که، بو اویه‌لردن ییل‌ده ۴۲۵۰ کیلوگرام عسل قولگه کیله‌دی، بیراق بوییل کسل‌لیکلر سبب، مذکور ولایت‌ده یالغیز ۳۵ کیلوگرام عسل ییتیشتیریلگن.
جناب دیوبندی، عسل اری‌لری تلفاتی خصوصیده هیچ بیر فکر بیلدیرمه‌ی، بیراق نوزما کسللیگی ترقه‌لیشی و اوزگه قیزیل اری‌لر هجومی نی تصدیق قیلگن. اونگه کوره، ایکینچیلیک ریاستی ایشلاوچیلری آرقه‌لی برچه تومن‌لرده اری‌چیلر گه فنی و تخنیکی مصلحتلر ارائه بوله‌دی.
بیزلرنینگ «ایکس» ترماغی ده هم تعقیب قیلینگ!
پنجشیر ایکینچیلیک رئیسی نینگ کوپه‌یتیریشیچه: «مذکور ولایت نینگ تومن‌لریده ۸۵۰ ته عسل اری صندیغی بر که، تومن‌لر مرکزی چاروه‌دارلر مامورلری آرقه‌لی فنی و مسلکی رهنما‌لیک صورت تاپه‌دی. ۴۲۵۰ کیلوگرام عسل ییتیشیشی تخمین اوریلگن ایدی که، بو ییل قریب ۳۵ کیلوگرام خالص عسل موسومی‌ده حاصل بولگن.»
ایتیش کیره‌ک که، مسئول نهاد‌لر عسل اریچیلری بیلن فنی مصلحت و بازار تاپیش خصوصیده همکارلیک قیلگنلری صورت‌ده، عسل ییتیشتیریلیش میزانی کوپه‌یب و اهالی گه هم ایش زمینه‌سی یره‌تیلیشی ممکن.
