افغانستان توپراغیدن تروروچیلیک تهدید‌لر بارلیگی خصوصیده مملکتلر خواطرلری دوامی‌ده، سرپرست حکومت سوزلاوچیسی منطقه و دنیا مملکت‌لری گه ینه بیر مرته، افغانستان توپراغیدن باشقه مملکتلر گه قرشی قوللنیلیشی خصوصیده رخصت بیریلمه‌سلیگی‌دن ایشانچ بیرگن.
افغانستان سرپرست حکومت سوزلاوچیسی ذبیح‌الله مجاهد نینگ سلام‌وطندار گه ایتیشیچه: «افغانستان وضعیتی گه دایر قطار مملکتلر نینگ خواطرلری، افسوس بیلن بو مملکت گه یقین و اوزاق بیر قطار اولکه‌لر نینگ توشینماوچیلیگیگه سبب بوله‌دی که استخباراتی ناتوغری معلومات‌لر یولی آرقه‌لی بیر قطار مملکتلر گه تشویش یره‌ته‌دی.»
بیزلرنینگ فیسبوک صحیفه‌میزگه باش اورینگ!
پاکستان و جمعی خوفسیزلیک کیلیشوو تشکیلاتی، اوتگن هفته پنج‌شنبه کونی ینه بیر مرته، افغانستان توپراغیدن ترورچیلیک تهدید‌لر بارلیگی خصوصیده خواطر بیلدیرگن.
جمعی خوفسیزلیک کیلیشوو تشکیلاتی نینگ قوشمه ستاد باشلیغی ژنرال آناتولی سیدوروف، افغانستان دن ترورچیلیک تهدید‌لر بارلیگی خصوصیده خواطر بیلدیریب ایتیشیچه، اوشبو مملکت شمالی، جمعی خوفسیزلیک کیلیشوو تشکیلاتی اعضاسی اوچون تهدید دیر.
شونینگدیک پاکستان نینگ وقتینچه‌لیک حکومتی تشقی ایشلر وزیری جلیل عباس جیلانی، پاکستان ده اسلام امیرلیگی نینگ سوداگرلیک و صناعت وزیرلیگی سرپرستی بیلن اوچره‌شگنی‌ده، اسلام امیرلیگی رهبری‌دن افغانستان ده ترورچیلیک گروه‌لر اینیقسه پاکستان طالب‌لر تحریکی (تی‌تی‌پی) برابریده، اقدام قیلیشلری نی ایسته‌گن.
عین حالده، اسلام امیرلیگی سوزلاوچیسی نینگ ایتیشیچه، افغانستان توپراغیدن اوتگن ایکی ییل‌ده، هیچ بیر مملکت برابریده قوللنیلمه‌گن و شونینگدیک بوندن بویان هم قوللنمه‌سلیگی ممکن.
ذبیح‌الله مجاهد نینگ اورغولشیچه: «مذکور مملکتلر بیلن علاقه‌ده‌میز، ییغین‌لریمیز هم بار ایدی و پیغام هم یوباردیک؛ بیراق قیغو بیلن ایتگنلری موضوع‌لر تکرار بوله‌دی. معلوم بولیشه‌دی که بعضی ممکلت‌لر نینگ فایده‌لنیشی ممکن؛ بیراق افغانستان دن هیچ بیر مملکت گه قرشی تهدید یوق.»
عین حالده، سیاسی ایش بیلرمان‌لردن قطاری نینگ ایتیشلریچه، ترورچیلیک تهدید‌لر بارلیگی‌دن مملکت خواطرلری دوامی، اسلام امیرلیگی بیلن منطقه و دنیا نینگ تعامل پروسه‌سی نی قیین‌لشتیریشی ممکن.
سیاسی مسئله‌لر بیلرمانی پرویز شمال نینگ ایتیشیچه: «بو خواطرلر نینگ دوام قیلگنی صورت‌ده، مملکتلر و دنیا جماعه نینگ تعامل اوچون علاقه کورستمه‌سلیگی ممکن. ترورچیلیککه قرشی کوره‌ش اوچون خلق‌ارا قرشی کوره‌ش گه نیاز دیر. انه شوو سبب، مملکتلر مستند حجت ارائه قیلیش بیلن اقدام قیلیب و سرپرست حکومت بیلن ترورچیلیککه قرشی اقدام قیلیش‌ده همکارلیک قیلسینلر.»
بیزلرنینگ «ایکس» ترماغی ده هم تعقیب قیلینگ!
شونینگدیک سیاسی مسئله‌لر بیلرمانلریدن باشقه بیری عبدالجبار اکبری نینگ ایتیشیچه: «اسلام امیرلیگی افغانستان ثباتی اوچون بیللی بیر تصویر نی منطقه و دنیا مملکت‌لری گه ارائه قیلگنی و اولر گه قرشی افغانستان نینگ تهدید بولمه‌گنی خصوصیده ایشانچ بیرگنی صورت‌ده، بو ایش حکومت نینگ بیراز کوچلی قیلیشی ممکن و مملکتلر هم ملامت‌لیک یوکی نی بیر مملکت گه تشله‌ش اورنیده، ترورچیلیککه قرشی کوره‌ش اوچون قوشمه بیر استراتژیلری بولیشی کیره‌ک.»
اوتگن ایکی ییل‌ده، پاکستان و منطقه مملکت‌لری نیچه مرته افغانستان ده ترورچیلیک گروه‌لر حضوری خصوصیده خواطر بیلدیرگن و اولر برابریده اسلام امیرلیگی نینگ قرشی کوره‌شی نی ایسته‌گن.
