قاچقین‌لر وزیرلیگی مسئوللری نینگ ایتیشلریچه، حاضرگچه ۳۵۱ مینگ‌دن آرتیق افغانستان‌لیک قاچقین ایران، پاکستان و تورکیه مملکت‌لریدن چیقریلگن که، بو آره‌‌ده ۲۳۹ مینگ ۶۱۴ کیشی پاکستان دن چیقریلگن دیر.
مذکور وزیرلیک نینگ سونگی آماری اساسیده، ۱-نوامبر‌دن حاضرگچه پاکستان دن چیقریلگن ۲۳۹ مینگ ۶۱۴ کیشی‌دن، ۷۳ مینگ ته‌سی دیورند چیزیغی یقینی اینیقسه تورخم و سپین بولدک چیگره‌لریده‌گی کمپ‌لرده حیات کیچیریب و قالگن قاچقین‌لر ایسه ولایت‌لری گه انتقال بیریلگن.
قاچقین‌لر وزیرلیگی نینگ مسلکی معینی عبدالرحمان راشد نینگ سلام‌وطندار گه ایتیشیچه: «۹-۲۲ عقرب گه قدر، توپلم شکلده ۲۳۹۶۱۴ کیشی مملکت گه قیتیریلگن که تورخم چیگره‌سیده ۱۱۴۸۵۷ کیشی و سپین‌بولدک چیگره‌سیده ۵۸۲۴۳ کیشی مملکت گه قیتریلگن که، کمپ بولگنلردن تشقری، قالگن عایله‌لر تیگیشلی ولایت‌لری گه کیتگنلر.»
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، پاکستان میدیالری نینگ گزارشی اساسیده، اوتگن (دوشنبه، ۲۲-عقرب)، پاکستان دولتی افغانستان‌لیک قاچقین‌لر نینگ چیقریش پروسه‌سی تیزلنیشی اوچون ینگی اوچ قتناو یول نی آچگن دیر.
پاکستان نینگ «دان» کونده‌لیگی اوشبو مملکت رسمی‌لریدن نقل قیلیب گزارش بیریشیچه، مذکور اوچ قتناو یول بلوچستان ایالتی‌‌ده «قلعه‌ی سیف‌الله»، «برابچه» ده چاغی تومنی و دیورند چیزیغی‌ده «نور وهاب» منطقه‌سیده آچیلگن دیر.
عین حالده، ینگی‌لیکده قوشنی مملکت‌لر گه قیتگن قاچقین‌لر اسلام امیرلیگی تامانیدن کوتیب آلینیشدن خورسندلیک قیلیب؛ بیراق کیله‌سی قیش موسومی‌ده باش پنه‌سیزلیک‌دن خواطر بیلدیرگنلر.
ینگی‌لیکده پاکستان‌دن قیتگن قاچقین‌لردن بیری صبورخان نینگ ایتیشیچه: «حاضر کمپ‌ده‌میز. حکومت کییم، ییمک، سوو و باشقه دستلبکی امکانیت‌لر نی یره‌تگن دیر. حکومت‌دن ییتیب کیله‌دیگن کیش اوچون دایمی باش پنه و ایش زمینه‌سی یره‌تیلیشی نی ایسته‌میز.»
شونینگدیک ینگی‌لیکده پاکستان‌دن قیتگن قاچقین‌لردن باشقه بیری امین نینگ ایتیشیچه: «اوتگن کون کیلدیک. حادر چادرده‌میز. ییمک و کمپل بار؛ بیراق هوا جوده‌یم ساووق دیر. بیزلر گه یاردم بیریلیشی و اوی بیریلیشی نی ایسته‌یمیز، کرایه‌‌لردن خبری‌میز یوق.»
بیزلرنینگ فیسبوک صحیفه‌میزگه باش اورینگ!
شونده‌ی بیر حالده، سونگی کون‌لر ایران دن هم قاچقین‌لر نینگ چیقریش پروسه‌سی کوپه‌یگن دیر.
شونینگدیک، ایران دن چیقریلگن افغانستان‌لیک قاچقین‌لردن بیری وکیل‌احمد، ایش زمینه‌سی یره‌تیلیشی اوچون سرپرست حکومت نینگ همکارلیگی نی ایسته‌گن. «نیچه مدت آلدین ایران کیتگن ایدیم، قولگه توتیب و یامان بیر وضعیت‌ده افغانستان گه یوباردیلر. مجبور‌میز؛ دوست و یقین‌داشلردن قرض آلدیم. یامان بیر وضعیت‌ده قالگن‌مین. ایش زمینه‌سی یره‌تیلمه‌گن.»
ایتیش کیره‌‌ک که، ینگی‌لیکده خلق‌ارا بحران تشکیلاتی پاکستان دن افغانستان‌لیک قاچقین‌لر ننیگ توپلم شکلده چیقریلیشی‌دن خواطر بیلدیریب و بو ایش نی منطقه ثباتی اوچون خوفلی دیگن.