پاکستاننینگ بلوچستان ایالتی نوکندی حدودی یقینیده یول حادثهسی عاقبتیده ۹ افغانستان هلاک بولیب و ۱۰ کیشی یرهلنگن.
یېتکرمهلرنینگ معلوماتیگه کوره، بو حادثه ۳۰-قوس/۲۱-دسمبر، یکشنبه کونی نفت تانکری بیلن «پیکاپ» رسوملی موترنینگ توقنشووی سبب یوز بیرگن.
معلوماتلر اساسیده، اوشبو حادثهده یولاوچیلرنینگ ۹ نفری هلاک بولگن و باشقه ۱۰ کیشی یرهلنگن و اولر دوالنیش اوچون ساغلیق مرکزلریگه آلیب باریلگن.
حادثهده اولگنلرنینگ برچهسی افغانستانلیک بولیب ناقانونی و نارسمی یونهلیشلر بیلن پاکستان آرقهلی ایران و کېین اېسه اروپا گه سفر قیلیشگه قصد قیلگن اېکنلر.
افغانستاننینگ کوپینچه یشاوچیلری، اقتصادی قیینچیلیک و عایله اعضالرینینگ احتیاجلرینی تأمینلش اوچون نارسمی یوللر بیلن ایران و اروپا مملکتلریگه سفر قیلهدیلر، بوندهی حرکت انده-سنده اولردن قربانلیک آلهدی.