۲۳ آگست کونی تکنالوژی تاریخیده جهان وایلد ویب یعنی ویب سایت و خلقارا اینترنت ترماغیدن عامهوی فایدهلنیش امکانیتی آچیلگن سنه صفتیده تاریخ گه کیرگن؛ اوشبو تکنالوژی اروپا هسته (یدراو) تدقیقاتلر تشکیلاتیده برنرز-لی جماعهسی تامانیدن یرهتیلگن.
بو کون، ویب عالمی گه قدم قویگن و اینترنتدن کینگ فایدهلنه باشلهگن ایلک فایدهلنوچیلر آتیگه ناملنگن.
آرهدن اوچ دههدن کوپراق وقت اوتیب، ویب و اینترنت میلیاردلب انسانلر حیاتینینگ اجرهلمس قسمی گه ایلنگن. افغانستانده هم آدملر اینترنت و ویب سایتلردن حیاتنینگ تورلی ساحهلریده اینیقسه ایش، علاقه و تعلیمده کینگ فایدهلنماقده. بیراق عینی پیتده بو تکنالوژیلردن فایدهلنیش امکانیتی حلی هم کوپچیلیک اوچون یوقاری نرخ، پست صفت و تیزلیک همده چیکلنگن قمراو کبی معمالر بیلن باغلیق.
کابل یشاوچیسی بولگن و اینترنت فایدهلنوچیلریدن ساغر گه کوره، تعلیمی منبعلردن فایدهلنیش اوچون کوپراق اینترنتدن فایدهلنهدی، بیراق نرخی یوقاریلیگی و صفتی پسلیگی سببلی قیینچیلیک بیلن دوچ دیر. او شوندهی دییدی: «مین اینترنتدن اساساً درس و تعلیمی منبعلردن فایدهلنیش اوچون فایدهلنه من. اینترنتده کوپلب درسلیک و تعلیمی موضوعلرنی تاپیش ممکن، اما اینترنت نرخی و صفتی پسلیگی اساسی قیینچیلیکلردن حسابلنهدی.»
کابل یشاوچیلریدن و اینترنت فایدهلنوچیلریدن شریف سلطانی، اینترنتدن عایله بیلن علاقه قوریش، ینگیلیکلرنی ایزلش و اجتماعی ترماقلر گه کیریش اوچون فایدهلنهدی و حیاتینینگ مهم بولیمیگه ایلنگنینی ایتهدی. او شوندهی دییدی: «مین اینترنتدن عایلهم بیلن ملاقات قیلیش، ینگیلیکلرنی کوزهتیش و اجتماعی ترماقلردن فایدهلنیش اوچون کوپ فایدهلنه من. بعضاً اینترنت تیزلیگی یخشی بولهدی، اما ایریم پیتلرده جوده سُست ایشلهیدی. حاضرگی کونده کوپچیلیک اینترنت گه ایش، تعلیم و کوندهلیک ملاقات اوچون کوپراق احتیاج سیزماقده.امید قیلهمن کی، افغانستانده اینترنت خذمتلری ینهده یخشیلنیب، ارزانراق و صفتلی بولهدی.»
کابلده خصوصی کمپنیهلردن بیرینینگ خادمی سلسله، مجازلری اینترنت آرقهلی علاقه قورهدی، اوزلری هم ریکلام اوچون همده اینترنت آرقهلی بویورتمه آلیشلرینی بیلدیرهدی.
اونینگ کوپهیتیریشیچه، ضعیفلیک یا کی اوزیلیشی اولرنینگ ایشیگه مستقیم تأثیر قویهدی. «بوگون ایش و تجارت اوچون اینترنت ضروری نرسه گه ایلنگن، بیز مجازلر بیلن علاقه قوریش، ریکلام و بویورتمهلرنی اینترنت آرقهلی آلهمیز. اینترنت ضعیف یا کی اوزیلسه مستقیم ایشیمیز گه سلبی تأثیر قویهدی.»
مملکتنینگ اوزاق حدودلریده، اینترنتدن فایدهلنیش قیین.
بدخشان ولایتی کوهستان تومنی یشاوچیسی بولگن شریفاللهنینگ ایتیشیچه، بو حدودلرده مخابرات ترماقلری و اینترنت یخشی ایشلمهیدی. او شوندهی دییدی: «اینترنت کوهستان اولسواللیگیده اصلا ایشلمهیدی، اورتاقلر گه عادی قونغیراق قیلهمیز کوپ پول آلهدی جدی قیینچیلیک بیلن دوچ میز.»
تکنالوزی ساحهسیده ایریم بیلرمانلر، فایبر نوری و مخابرات ترماقلری کینگهیتیریلیشی، اینترنت قیمتی کمهیتیریلیشینی یگانه ییچیم دیب بیلهدیلر.
تکنالوژی ساحهسیده بیلرمان قریب آرین شوندهی دییدی: «بیرینچیدن نهفقط بویوک شهرلر بلکی مملکت مقیاسیده اینترنت صفتی یخشیلنسه، بوتون مملکتده اینترنت آست قوریلمهلری آز و کوپهلیشی کیرهک. اینترنت قیمتی بولیمیده هم دقت قیلینسه و کمهیتیریلسه.»
شو بیلن بیرگه، مخابرات وزیرلیگی مسئوللرینینگ ایتیشیچه، حاضرگچه اوزاق حدودلرده ۳۰ ته مخابرات سایتی قوریلیشی ریجهلشتیریلگن، ۴۳۰ ته مخابرات سایتی فایدهلنیشگه تاپشیریلگن و ۱۰۰ ته سایت ایشی تطبیق ایتیلماقده.
اوشبو وزیرلیک سوزلاوچیسی عنایتالله الکوزی گه کوره، افغانستانده ۳۲ میلیون مخابرات ترماقلرینینگ فایدهلنوچیلریدن ۱۷ میلیون نفری، اینترنت خذمتلریدن فایدهلنماقده. اونینگ ایتیشیچه: «حاضرگی کونده افغانستانده قریب ۳۲ میلیون مخابرات ترماقلریدن فایدهلنهدی اولردن ۱۷ میلیون نفری اینترنتدن قوللنهدی.»
برچهسی بیلن، خلقارا معلوماتلر شونی کورستهدی کی، میلادی ۲۰۲۵-ییل یکونیگچه، افغانستانده اینترنتدن فایدهلنوچیلر سانی دییرلی ۱۱.۳ میلیون کیشی گه ییتگن.