بلخ مرکزی مزارشریف شهری یشاوچیلری نینگ ایتیشلریچه، قویاش ۱۴۰۳-ییل بیرینچی کونی نی، سونگی ایکی ییل کبی «جهنده بالا» مراسمی یولگه قوییلمس‌دن باشله‌گنلر.
مذکور شهر یشاوچیلری نینگ سلام‌وطندار گه ایتیشلریچه، رمضان آیی و سرپرست حکومت آرقه‌لی نوروز بیرمی نینگ نشانلنیشی تقیق‌لنگنی، اهالی قیزیقیشی کمه‌یگنی گه سبب بولگن.
بیزلرنینگ «ایکس» ترماغی ده هم تعقیب قیلینگ!
مزارشریف یشاوچیلری گه کوره، اوتگنلرده ینگی ییل نینگ باش کونی نی تورلی مراسم‌لر یولگه قوییش بیلن نشانلشلری بیرحالده؛ بیراق بو ییل، ییل نینگ باش کونی نی عادی کون‌لر کبی باشله‌گنلر.
مزارشریف شهری یشاوچیلریدن عیساخان نینگ ایتیشیچه: «اوتگن ییل‌لر نوروز بیره‌می اوچون ولایت‌لردن اهالی بو شهر گه کیله‌ر ایدی؛ لیکن حاضر ایسه هیچ کیم یوق. هیچ مهمانیمیز یوق؛ برچه کیشی اوز کونده‌لیک ایشی بیلن مصروف دیر.»
شونینگدیک مزارشریف شهری یشاوچیلریدن باشقه بیری فرشته نینگ ایتیشیچه: «اوتگن ییل‌لرده ینگی ییل اوچون تیارگرلیک آله‌ر ایدیک؛ چونکه کابل دن دایم مهمان کیله‌ر ایدی؛ بیراق بو ییل رمضان بولدی، نشانلش حرام دیب اعلام بولدی و اوتگن ییل‌لر کبی هیچ گوجوم‌لیک یوق.»
شونده‌ی بیرحالده، مهمان‌خانه‌لردن قطاری نینگ ایگه‌لری هم باشقه ولایت‌لردن مهمان کیلمه‌گنی نی بیان قیلیب و ایتیشلریچه، اوتگن ییل‌لر مهمان‌لر نینگ حضوری سبب، اولر یخشی درآمد قولگه کیلتیره‌ر ایکنلر.
بیزلرنینگ فیسبوک صحیفه‌میزگه باش اورینگ!
سمنک پیشیریلیشی، دسترخوان اوستیده هفت‌سین تیریلیشی، زیارت‌خانه‌لر گه باریلیشی، جهنده‌ی سخی نینگ کوتاریلیشی، دم‌آلیش مکان‌لر گه باریلیشی و نامزد اویی گه تحفه آلیب باریلیشی، ینگی ییل نینگ بیرینچی کونی‌ده‌گی اینگ اونملی عنعنوی عرف-عادت‌لردن ایکن دیر.
ایتیش کیره‌ک که، هر ییلی مزارشریف ده نوروز بیرمی و «جهنده بالا» مراسمی یولگه قوییله‌ر ایدی؛ لیکن اسلام امیرلیگی نینگ قدرت گه ایریشگنی‌دن کیین، نوروز بیرمی و اوشبو مراسم یولگه قوییلمه‌یدی.
