فاریاب ده محلی مسئوللر، بوگون (۱۶-حمل، شنبه)، عصر چاغی اوشبو ولایت‌ده یوز بیرگن ترافیکی حادثه نتیجه‌سیده، ۱۴ کیشی‌نینگ اولیب و یره‌لنگنی‌دن خبر بیرگنلر.
فاریاب امنیه قوماندانلیگی سوزلاوچیسی عبدالله مرادی‌نینگ ایتیشیچه، مذکور حادثه اوشبو ولایت پشتونکوت تومنی‌نینگ «علملیک» ساحه‌سیده، یوز بیرگن.
بیزلرنینگ فیسبوک صحیفه‌میزگه باش اورینگ!
جناب مرادی‌گه کوره، «کرولا» رسوملی بیر موتر بیلن «اکوا برقی» رسوملی ایکی موتر‌نینگ توقنشگنی نتیجه‌سیده یوز بیرگن بو ترافیکی حادثه‌ده، اون آی‌لیک بیر باله اولیب، باله‌لر و عیاللر شامل ۱۳ کیشی یره‌لنگن.
فاریاب امنیه قوماندانلیگی سوزلاوچیسی، اوشبو حادثه سببی‌نی هیداوچیلر‌نینگ احتیاط‌سیزلیگی دیب و کوپه‌یتیریشیچه، یره‌لنگنلر دوالنیش مقصد کسل‌خانه‌گه انتقال بیریلیب و اولردن قطاری‌نینگ احوالی آغیر دیر.
بیزلرنینگ «ایکس» ترماغی ده هم تعقیب قیلینگ!
ایتیلیشچه، هیداوچیلر‌دن ایکی ته‌سی قولگه آلینیب و باشقه بیر ته‌سی ایسه حادثه محلی‌دن قاچگن.
ایچکی ایشلر وزیرلیگی‌نینگ ترافیک پولیسی عمومی ریاستی، هیداوچیلر‌دن ترافیکی حادثه‌لر یوز بیریشی آلدی آلینیشی مقصد، هیداوچیلیک قاعده-قانونی‌نینگ رعایت قیلیشلری‌نی ایسته‌گن.
