اسرائیل باشوزیری بنیامین نتانیاهونینگ اعلام قیلیشیچه، اوروشنینگ اینگ مهم باسقیچیده بولیب و غزه شهرینی باسیب آلیش اوچون تیارلنهدی. بو بیلن بیرگه فلسطین ساغلیقنی سقلش وزیرلیگینینگ گزارش بیریشیچه، بیر کیچهوکوندوزده نوار غزه بویلب کمیده ۱۰۵ کیشی قربان بولگن.
الجزیره ترماغینینگ بوگون (۱۲-سنبله، چهارشنبه)، گزارش بیریشیچه، اسرائیلنینگ سهشنبه کونی اویوشتیرگن هجوملریده نوار غزه بویلب ۱۰۵ کیشی قربان بولیب و باشقه اونلب کیشی یرهلنگن.
گزارش اساسیده، قربان بولگنلردن ۳۲ تهسی انسانسیورلیک یاردم قولگه کیلتیریش جریانیده، اسرائیل اردوسی آرقهلی اوققه توتیلیب و قربان بولگن.
بیزلرنینگ فیسبوک صحیفهمیزگه باش اورینگ!
فلسطینلیکلر، حاضر مقصدلی هجوملر و آچلیک تهدیدی بیلن روپهرهلر. یالغیز سونگی ۲۴ ساعت ایچیده، کمیده ۱۳ کیشی آچلیک طفیلی وفات قیلیب و اوروش باشلنگنیدن حاضرگچه آچلیک نتیجهسیده قربانلرنینگ توپلم سانی ۳۶۱ کیشیگه ییتیشگن.
فلسطین ساغلیقنی سقلش وزیرلیگینینگ معلوماتی اساسیده، غزه ده اوروش باشلنگنیدن حاضرگچه ۶۳ مینگدن آرتیق کیشی اسرائیل هجوملریده قربان بولیب و ۱۶۰ مینگ ۶۶۰ دن آرتیق کیشی یرهلنگن.
