غزنی ولایتی کینگش اعضالریدن بیرقطاری، اوشبو ولایت نینگ جاغوری تومنی یشاوچیلریدن قطاری اوغیرلنگنیدن خبر بیرگن‌لر.
غزنی ولایتی کینگش عضوی حسن‌‍رضا یوسفی نینگ ایتیشیچه، اوتگن “یکشنبه” کونی جاغوری یشاوچیلریدن ۱۰ ته‌سی غزنی شهریدن اوشبو تومن تامان باره‌دیگن بیر چاغده، قره‌باغ تومنیده اوزلرینی طالب تانیتگن قوراللی کیشی‌لر تامانیدن اوغیرلنیب نامعلوم مکان‌گه انتقال بیریلگن.
جناب یوسفی نینگ ایتیشیچه، ایکی کون آلدین اوشبو ولایت نینگ قره‌باغ تومنی یشاوچیلریدن بیرقطاری اوغیرلنگن ایدی و حاضرگه‌قدر سرنوشت‌لری بیللی ایمس.
غزنی ولایتی کینگش اوشبو عضوی، حکومتدن مذکور یولاوچی‌لرنی آزاد قیلیش اوچون سعی و حرکت قیلیشی‌نی سوره‌گن.
غزنی حاکمی و امنیتی نهادلر سوزلاوچی‌لری نینگ ایتیش‌لریچه، بوتوغریده تدقیقات صورت تاپگنیدن سونگ، نتیجه میدیالر بیلن شریک قیلینه‌دی.
بیراق، جاغوری ولسوالی عارف باهنرنینگ سلام‌وطندارگه ایتیشیچه، امنیتی نهادلر معلوماتی‌گه کوره، اوشبو تومن یشاوچیلریدن ۶ ته‌سی جاغوری-غزنی قتناو یولیده طالبان تامانیدن اوغیرلنگن، لیکن یریم ساعت دن سونگ، قوییب یوباریلگنلر.
طالبان گروهی حاضرگه‌قدر بوتوغریده فکر بیلدیرمه‌گن.
