زابل ولایتی خاک افغان تومنی محلی مسئوللری و ساغلیک مرکزلر ایشلاوچیلریدن بیرقطاری نینگ ایتیشلریچه، طبی امکانیت‌سیزلیک و یخشی خذمت کورسه‌تیلمسلیگی باعث، آغیر کسل‌لری بولگن‌لر قلات یولی ده وفات ایته‌دیلر.
اولر، مرکزی حکومت و یاردم بیرووچی موسسه‌لردن، ینگی ساغلیک مرکزلرنی تشکیل ایتیش و ساغلیق‌نی سقلش تشکیلات‌لرنی کوپه‌یتیریش بیلن، حاضرگی قیین‌چیلیکلرنی حل قیلیب و یخشی طبی خذمت کورسه‌تیلیشینی ایسته‌یدیلر.
بیزلرنینگ توییترده هم تعقیب قیلینگ!
خاک افغان تومنی اولسوالی مولوی صادق نینگ سلام‌وطندار گه ایتیشیچه: «خاک افغان تومنیده ایکی یا که اوچ کیلینیک بار او هم شخصی و کرایی ییرلرده دیر. بو ییرده کسل نی بستری قیله‌دیگن کسلخانه یوق. یشاوچیلر قیینچیلیک بیلن روپه‌ره دیر، شونی اوچون کسل‌لر وفات ایته‌دی. خاک افغان تومنیده هیچ بولمسه ۵۰ بسترلیک بیر کسلخانه قوریلیشی لازم، بو ییرده ساغلیک ساحه‌سیده هیچ ایش بولمه‌گن.»
خاک افغان تومنی «کاکیران» کسل‌خانه‌سی نینگ ساغلیق ایشلاوچیلریدن عظیم‌الدین نظامی نینگ ایتیشیچه: «بو ییرده کسل‌لر سانی کوپ؛ چونکه کسلخانه کیچیک و کسل‌لر سانی کوپ دیر. حکومت‌دن اوزاق تومن‌لرده‌گی ساغلیک مرکزلر قیین‌چیلیکلری نینگ حل قیلینیشی نی ایسته‌یمیز.»
باشقه بیر تاماندن، خاک افغان تومنی یشاوچیلری اوشبو وضعیت دن شکایت قیلیب ایتش‌لریچه، حاضرگی موجود طبی خذمت‌لر اولر نینگ قیین‌چیلیکلری نی حل قیله آلمه‌یدی. اولر گه کوره، کمبغل‌لیک سبب، کسل‌لرینی خصوصی کسل‌خانه‌لر گه درمان اوچون آلیب باره آلمه‌یدیلر.
خاک افغان تومنی یشاوچیسی بولمیش محمد‌قاسم نینگ ایتیشیچه: «کسل عیال‌لر نی قلات شهری‌گچه آلیب باره آلمه‌یمیز. شاه‌جوی گه ییتیشگنلری پیتده، یا اوله‌دیلر یا-ده ولادت قیله‌دیلر. حاضرگچه یالغیز بیر کسل نی شاه‌جوی‌گچه ساغ بیر شکلده ییتیشتیره آلگنیمیز یوق.»
شونینگدیک خاک افغان یشاوچیلریدن باشقه بیری شاه‌علم نینگ ایتیشیچه: «کسلیم نی درمان اوچون کیلتیرگن‌مین. دارو تاپیلمه‌یدی و اهالی جوده‌یم کمبغل دیر. کسلخانه ایجاد بولیشی کیره‌ک. شفاکارلر کیلیب دارو بیریشی کیره‌ک؛ چونکه اهالی یامان بیر وضعیت‌ده قرار تاپگن.»
شونده‌ی بیرحالده، زابل ساغلیق نی سقلش ریاستی مسئوللری نینگ ایتیشلریچه، خاک افغان تومنی شامل، ۵۶ منطقه نی بیلگی‌لندیرگن و ساغلیق بولیمی‌ده اهالی قیینچیلیگی حلی اوچون اوشبو منطقه‌لرده کسلخانه توزه‌تیلیش موضوع‌سی نی هم، مرکزی حکومت بیلن جریان گه قویگنلر.
بیزلرنینگ فیسبوک صحیفه‌میزگه باش اورینگ!
زابل ساغلیق نی سقلش ریاستی رئیسی میرویس افغان نینگ ایتیشیچه: «تیکشیروو تیم یاردمی بیلن، زابل ده ۵۶ منطقه نی بیلگی‌لندیرگن‌میز و قیینچیلیکلر حلی اوچون اوشبو موضوع نی برچه دونرلر، ساغلیق نی سقلش وزیرلیگی و تیگیشلی باشقه مسئوللر بیلن جریان گه قویگن‌میز.»
زابل یشاوچیلری نینگ کوپه‌یتیریشلریچه، خاک افغان زابل نینگ اوزاق و تاغلی تومن‌لریدن دیر که، یشاوچیلری ساغلیق قیینچیلیکلر یانیده، شونینگدیک باشقه امکانیت‌لر گه قول تاپیش‌دن محروملر.
