زابل ولایتی شمل‌زی تومنی یشاوچیلریدن قطاری نینگ سلام‌وطندار گه ایتیشلریچه، اوشبو تومن نینگ سوداگرلیک بازارینی شخصی پوللری بیلن قوره‌دیلر.
مذکور تومنده‌گی سوداگرلیک بازار‌ده دکان قوره‌دیگن شمل‌زی تومنی یشاوچیسی سردارمحمد، اوتگن اوروشلر پیتیده مذکور بازار نینگ بوزیلمه‌گنی‌دن آلدین، ۱۳ کیشی‌لیک عایله نیازلرینی بو بازار آرقه‌لی تامین قیله‌ر ایکن.
بیزلرنینگ «ایکس» ترماغی ده هم تعقیب قیلینگ!
دکانی نینگ بوزیلگنی بیلن قریب بیر میلیون افغانی زیان کورگن سردارمحمد نینگ سلام‌وطندار گه ایتیشیچه: «۱۳ کیشی‌لیک بیر عایله‌میز. اوتگن ییل‌لرده اوشبو دکان آرقه‌لی اوی خره‌جتینی تامین قیله‌ر ایدیم. اوشبو دکان نینگ خراب بولگنی بیلن قریب ۱ میلیون افغانی زیان کوردیم. دکانیم اورته‌دن کیتیب و برچه نرسه‌م نی قولدن بیردیم.»
اونینگ کوپه‌یتیریشیچه، اوتگن اوروشلر نتیجه‌سیده شمل‌زی تومنی‌ده اونلب دکاندار، دکانلری و سرمایه‌‌لرینی قولدن بیریب و حاضر ایسه یامان اقتصادی وضعیت‌ده حیات کیچیرماقده.
مذکور تومن بازاری‌ده ینگی دکانلرنی قوره‌دیگن شمل‌زی تومنی نینگ اوشبو یشاوچیلری، بو بازار نینگ قوریلیشی بیلن اقتصادی قیین‌چیلیکلریدن بیر قطاری نینگ حل بولیشی خصوصیده امید‌وارلیک قیلگنلر.
زابل نینگ شمل‌زی تومنی یشاوچیلریدن محمدامین نینگ ایتیشیچه: «اوتگن ییل‌لرده بو ییرده بازاریمیز بار ایدی و اوروشلر جریانیده بو بازار بوزیلدی. حاضر حکومت بو ییرده بازار اوچون جای بیرگن و بیزلر بو ییرگه دکان قورماقده‌میز. کوپینچه قیین‌چیلیک بیلن روپه‌ره ایدیک که بو بازار نینگ قوریلیشی بیلن امید قیله‌میز که قیین‌‌چیلیکلریمیز حل بولسه.»
شمل‌زی تومنی سرپرستی خدای‌نور خدام نینگ ایتیشیچه، اولر اهالی نینگ کونده‌لیک نیازلری نی تامین‌لش و ایش زمینه‌لرینی یره‌تیش مقصدیده، اوشبو بازار نینگ سرکلری، کاناللری و باشقه نیازلری قوریلیشی خصوصیده زمینه یره‌تیلیشی گه سعی‌وحرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
جناب خدام نینگ کوپه‌یتیریشیچه: «اوشبو بازار نینگ قوریلیشی اوچون ایش باشلنگن و حاضر هم ایشی نینگ یخشی شکلده دوامی بار. بازار اورته‌سیده کاناللر قوریلیشی و مذکور بازار گه سرک قوریلیشی کبی بیر نیچه نیازمند‌لیکلر بار.»
سونگی ییل‌لرده‌گی ایچکی اوروشلر نه فقط شمل‌زی تومنی؛ بلکیم بو ولایت نینگ باشقه بولیم‌لری گه هم کوپینچه مالی زیانلر ییتیشتیرگن.
