چیچنستان جمهوریتی رهبری رمضان قدیروف، اوکراین جمهور باشلیغی ولودیمیر زلنسکینینگ امریکا چیچنستان رهبری گه نسبتن ونزویلا ییتکچیسی نیکلاس مادورو گه اوخشش چارهلر کوریشی کیرهکلیگی حقیدهگی بیاناتیگه کیسکین مناسبت بیلدیردی.
ییتکرمهلر بوگون (۱۸-جدی/۸جنوری، پنجشنبه) ترقهتگن گزارشلریده، قدیروف اوزینینگ تلگرام کانالیده بوندهی دیب یازگن.
چیچنستان جمهوریتی رهبری رمضان قدیروف اوکراین رهبرینی حبس گه آلیش عملیاتینی اوزی بجرمهی، بیراودن سورهگنینی تنقید قیلیب، اوشبو خطی-حرکتلر «ایرککچیلیککه» توغری کیلمسلیگینی ایتگن.
قدیروفنینگ تأکیدلشیچه، اوکراین تامانینینگ امریکادن اونی اوغیرلب کیتیش بوییچه یاردم سورهشی قورقاقلیک و عاجزلیک بیلگیسی دیر.
او شوندهی دیب یازگن: «مسخرهباز امریکا حکومتیگه مینی اوغیرلشنی تکلیف قیلماقده. اعتبار بیرینگ، بونی ایرکک کیشیدیک اوزی عملگه آشیریشی بیلن تهدید هم قیلمهدی.»
حتا بوندهی فکرنی خیالگه کیلتیریش گه هم باتینه آلمهدی. زلیا اوزینینگ حقارتچیسی – «هیبتلی عمهکی» رمضان قدیروفنی باشقه بیراو جزالشنی چیتدن، خوفسیز مصافهدن توریب کوزهتیشگه قرشی ایمسلیگیگه قورقاقلرچه اشاره قیلدی، دیگن او.
شونینگدیک، چیچنستان رهبری اوکراین جمهور باشلیغی اونی قیدیرو گه بیرگنینی، اونگه نسبتن عملیات جاری ایتیشی تشبثکاری بولگنینی تأکیدلهگن. قدیروف پوستیده زلنسکینی «ایرکک» بولیشگه چقریب، بو حرکتلری جوده شرمندهلی ایکنینی ایتگن. «بو ابلیس نیمهلر قیلمهیپتی دیسیز؛ مینی قیدیرو گه هم بیریپتی، عملیات هم جاری قیلهیپتی. ایندی ایسه امریکالیکلردن یاردم سورهب، گویا «قورال-یراغ بیلن یاردم بیرمهدینگیز، هیچ بولمسه رمضاننی اوغیرلب بیرینگ» دیهیاتگنیگه اوخشهیدی. زلیا هیچ بولمسه ایرکک بولیشگه اورینیب کور.»
بوله آلمهسنگ هم اورین، اوز آبرویینگنی سقله و بونچهلیک خار بولمه. اگر سینده آزگینه بولسه هم ایرککلیک بولگنیده، سوزلرینگ و التماسلرینگ قنچهلیک حقارتلی ینگرهیاتگنینی توشونگن بولردینگ، دیگن رمضان قدیروف.
بوندن اول، اوکراین جمهور باشلیغی ولودیمیر زلنسکی، امریکا حکومتیگه چیچنستان رهبری رمضان قدیروف هم خوددی ونزویلا جمهور باشلیغی نیکلاس مادورو کبی حبس گه آلینیشی کیرهکلیگینی ایتگن ایدی.
