سرپرست حکومت سوزلاوچیسی، پاکستان عالم‌لری جمعیت حزبی نینگ باشلیغی مولانا فضل‌الرحمان کابل گه سفر قیلیشیدن خبر بیردی.
سرپرست حکومت سوزلاوچیسی ذبیح‌الله مجاهد سلام‌وطندار بیلن اوتکزگن صحبتیده، پاکستان عالم‌لری جمعیت حزبی نینگ باشلیغی مولانا فضل‌الرحمان، بوگون (یکشنبه، ۱۷-جدی)، کابل گه سفر قیلیب و اوشبو سفری دایره‌سیده اسلام امیرلیگی رسمی‌لری بیلن تورلی موضوع‌لر حقیده بحث ایتیشینی ایتگن.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد نینگ سلام‌وطندار گه ایتیشیچه: «بوگون پاکستان عالم‌لری جمعیت حزبی نینگ باشلیغی مولانا فضل‌الرحمان، بیر هیئت ییتکچیلیگی ده کابل گه کیلیشی ممکن، سفری دایره‌سیده اسلام امیرلیگی رسمی‌لری بیلن ایریم موضوع‌لر نی بحث آلیشی کوتیله‌دی، انشاءالله اولر نینگ سفری اونیملی بولیشی ممکن.»
مولانا فضل‌الرحمان کابل گه سفر قیلمسدن آلدین، سفری دایره‌سیده اسلام امیرلیگی رهبری بیلن اوچره‌شووینی ایتگن ایدی، لیکن اسلام امیرلیگی سوزلاوچیسی بو سوزلرنی رد یا که تصدیقلمه‌ی و سلام‌وطندار نینگ بو توغریده‌گی سوالی گه جواب قیترمه‌دی.
بیزلرنینگ «ایکس» ترماغی ده هم تعقیب قیلینگ!
پاکستان پایتختی اسلام‌آباد ده اسلام امیرلیگی ایلچی‌خانه‌سی سرپرستی سردار احمد شکیب، قویاش اوشبو ییل، ۲۵-قوس، پاکستان اسلام عالم‌لری جمعیت حزب رهبری بیلن اوچره‌شووی ده، اوندن کابل گه سفر قیلیشینی تکلیف قیلگن بیرحالده، ذبیح‌الله مجاهد مولانا فضل‌الرحمان نینگ کابل گه سفر قیلیشیدن خبر بیرگن.
ایتیش کیره‌ک، بوندن آلدین پاکستان ییتکیرمه‌لری، اوشبو مملکت اسلام عالم‌لری جمعیت حزبی نینگ رهبری مولانا فضل‌الرحمان ییتکچیلیگی ده بو مملکت نینگ عالم‌لر هیئتی کابل گه سفر قیلیشینی ایتگن ایدیلر.
