۲۰۲۴-ییل المپیک یاز رقابت‌لری نینگ بایسکل هیده‌ش مسابقه‌سیده، فاریاب‌لیک آپه-سینگیل بایسکلچی «فریبا هاشمی و یولدوز هاشمی» اشتراک اېتگنلر.
۱۴-اسد، یک‌شنبه کونی بولیب اۉتگن اوشبو مسابقه ده بایسکلچیلر ۱۵۸ کیلومتر نی کېزیشگن. مذکور مسابقه ده اشتراک اېتگن ۹۳ بایسکلچی ارا فاریاب‌لیک فریبا هاشمی ۷۵ بولیب و سینگیلیسی یولدوز هاشمی و باشقه ۱۴ سپورتچی سۉنگی چیزیغ دن اوته آلمه‌گن.
بیزلرنینگ فیسبوک صحیفه‌میزگه باش اورینگ!
بو مسابقه ده امریکا، هالند و بلژیک سپورتچیلری بیرینچی، ایکّینچی و اوچینچی بولگنلر.
بوندن آلدین، فرانسه پایتختی پاریس شهریده بولیب اۉته‌یاتگن المپیک یاز رقابت‌لری نینگ بایسکل هیده‌ش مسابقه‌سیده، فاریاب‌لیک بایسکلچی یولدوز هاشمی ۲۶- اوریننی اېگللب و آسیا مقیاسیده ایکّینچی بولگن اېدی.
۲۰۲۴-ییل المپیک یاز رقابت‌لری ۵-اسد، جمعه کونی فرانسه پایتختی پاریس شهری ده باشلندی و اوچ هفته گچه دوام تاپیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
خلق‌ارا المپیک کمیته‌سی نینگ معلوماتی اساسیده، ۲۰۶ مملکت دن ۳۲ بولیمده قریب ۱۰ مینگ ۵۰۰ سپورتچی اشتراک اېتگن.
