مملکت تشقی ایشلر وزیرلیگی سوزلاوچیسی عبدالقهار بلخی، بوگون (یکشنبه، ۲۰ قوس) اوز توییتری ده، تشقی ایشلر وزیرلیگی نینگ سرپرستی امیرخان متقی کابل ده جاپان ایلچیسی تاکاشی اوکادا بیلن اوچره‌شگنیدن خبر بیرگن.
بلخی گه کوره، امیرخان متقی جاپان نینگ ۱۰۶ میلیون دارلرلیک یاردمی و دیپلوماتیک تعاملی دن منتدارلیک بیلدیریب و بو گَل تعامل‌نی «دنیا همجمعیت اوچون خط‌سیر» عنوان قیلگن.
بیزلرنینگ فیسبوک صحیفه‌میزگه باش اورینگ!
اوشبو اوچره‌شووده جاپان ایلچیسی، اوشبو مملکت دنیا همجمعیت بیلن افغانستانده اقتصادی ترقیات گه زمینه یره‌تیش خصوصیده بحث ایتیشیدن ایشانچ بیلدیرگن.
تشقی ایشلر وزیرلیگی سوزلاوچیسی نینگ یازیشیچه، جاپان کوکنار ایکینیگه بدیل تاپیش، معتادلرنی درمانلش و باشقه بولیم‌لرده اوز یاردم‌لری گه دوام بیره‌دی.
تاکاشی اوکادا نینگ ایتیشیچه، جاپان کیله‌سی ییل خوفسیزلیک کینگشی اعضاسی اوله‌راق وظیفه‌سینی باشله‌یدی و فعال مأموریتی آرقه‌لی، افغانستان باره‌سیده خوفسیزلیک کینگشی ده یخشی رول اوینه‌یدی.
بیزلرنینگ توییترده هم تعقیب قیلینگ!
باشقه تاماندن، مذکور اوچره‌شووده تشقی ایشلر وزیرلیگی نینگ سرپرستی، جاپان نینگ سعی و حرکت‌لریدن منتدارلیک بیلدیریب و «اسلام امیرلیگی نینگ مثبت پیام‌لرینی کوکنار ایکینینی آلدینی آلیش، اداری فسادنی کمه‌یتیریش، خوفسیزلیک برقرار ایتیش و باشقه ساحه‌لرده» انتقال بیریشینی سوره‌گن.
